Enaʼö Onekhe Ita ba Wanuriaigö​—Tolo ”Niha si Sökhi Amuata” Enaʼö Tobali Nifahaʼö

HANA WA MOGUNA: Ifanöi Yehowa danömö zindruhu si so ba dödö ”niha si sökhi amuata somasi manöndra faʼauri si lö aetu”. (Hal 13:48; 1Kor 3:7) Falulu fohalöwö ita khönia yaʼia daʼö na taʼosambuaʼö dödöda ba wanuriaigö ba niha somasi manemaʼö hadia zi no lafahaʼö yaʼira. (1Kor 9:26) Moguna aboto ba dödö niha nifahaʼöda ba Zura Niʼmaoniʼö wa famayagö idanö niha Keriso andrö, no sambua lala ba wanöndra faʼauri. (1Fet 3:21) Moguna tatolo ira enaʼö tobali nifahaʼö, labulöʼö waʼaurira, manuriaigö ba mamahaʼö, hegöi ba wolulu faʼaurira khö Yehowa.​—Mat 28:19, 20.

LALA WAMALUA YAʼIA:

• Fasugi ba dödö niha nifahaʼöu ba Zura Niʼamoniʼö hadia gohitö dödö wa lafahaʼö ira, yaʼia daʼö ”enaʼö aboto ba dödöra” Yehowa hegöi somasi ia.​—Yoh 17:3

• Tolo ira enaʼö tedou ba wamati yaʼia daʼö ba wanaögö fanaisi simane si toʼölö lafalua hegöi fariawösa si lö baga

• Aroʼö ba farou dödöra he fatua mazui na no aefa labayagö ira idanö.​—Hal 14:22

FAIGI VIDEO ITOLO NDRAʼUGÖ YEHOWA LOWALANGI, BA BEʼE WANEMA LI BA WANOFU-NOFU DAʼA:

• Hadia manö waʼataʼu si tola manaisi si samösa niha ba wolulu faʼauri hegöi ba wamayagö idanö?

• Hewisa ndra satua sokubaloi wanolo niha ba Zura Niʼamoniʼö enaʼö tedou ba wamati?

• Hadia nifahaʼöda yaʼita sanandrösa khö Yehowa ba Yesaya 41:10?

• Hadia mbua-bua sanolo yaʼita enaʼö tola sinangea tafosumange Yehowa hewaʼae lö moʼahonoa ita?