Lahaogö lafondrondrongo banua niha Keriso me labaso gangetula ndra boto solohe
GIRÖ-GIRÖ SI TOBINI MOROI BA DAROMALI | HALÖWÖ ZINENGE 15-16
Angetula si No Muhonogöigö si Teʼodane-dane ba Daromali Lowalangi
Hadia wamahaʼö si tola tahalö moroi ba lala wangasiwai salua andre?
15:1, 2—Foromaʼö wangide-ngideʼö hegöi faʼebolo dödö. Moroi na laʼasiwai samösa zalua andrö ira Faulo hegöi Baranaba, hizaʼi laʼalui wanuturu lala moroi ba organisasi Yehowa.
15:28, 29—Faduhusi tödö organisasi Lowalangi. Moguna faduhu dödö mbanua niha Keriso wa hasambalö ibeʼe Yehowa wanuturu lala, iʼogunaʼö gehehania niʼamoniʼö hegöi Yesu Keriso.
16:4, 5—Oʼö. Owua-wua dödö mbanua niha Keriso na laʼoʼö wanuturu lala moroi khö ndra boto solohe.