Hadia Öʼila Gamuata Lowalangi si Lö Oroma?

Na öfaigi mbowo mbunga soya laʼa-laʼa, talu mbanua safönu döfi, mazui air terjun sogoso-goso, moloʼö yaʼugö haniha Zomböi daʼö fefu? Omböila danga si so ba zi fasuida andrö zangoromaʼö amuata Yehowa si lö oroma. (Rom 1:20) Na taʼangeragö sabata gomböila danga si no taʼila, tola aboto ba dödöda waʼabölö Lowalangi, faʼomasinia, faʼatua-tua, faʼatulö ba faʼoböwönia.​—Zin 104:24.

Hadia manö gomböila danga Yehowa niʼilamö ero maʼökhö? Hewaʼae na ba mbanua sebua toröi ndraʼugö, te öʼila ngawalö wofo awö döla geu. Na sindruhu-ndruhu tanehegö gomböila danga Yehowa, hadia manö gunania? Tola alö wökhö wangera-ngerada, lö talafo taʼangeragö gabula dödöda, ba itugu mamati ita wa tola ibönökhi zoguna khöda Yehowa irugi zi lö aetu. (Mat 6:25-32) Na so nonomö, tolo ira wamaigi amuata Yehowa si tebai mufalalawa ba danö böʼö. Na itugu taʼameʼegö tödö gomböila danga Yehowa si so ba zi fasuida, tola itugu ahatö ita khö Zomböi yaʼita.​—Zin 8:4, 5.

FUTA VIDEO OROMA LAKHÖMI LOWALANGI MOROI BA NIWÖWÖI SAHÖLI-HÖLI DÖDÖ—HAGA HEGÖI LAʼA-LAʼA, BA BEʼE WANEMA LI BA WANOFU-NOFU DAʼA:

• Hana wa tola taʼila laʼa-laʼa?

• Hana wa so laʼa-laʼa si takile?

• Hana wa faböʼö-böʼö laʼa-laʼa si so ba dalu mbanua?

• Hadia laʼa-laʼa sahöli-höli dödömö moroi ba gomböila danga Yehowa sahatö ba nomomö?

• Hana wa moguna tabeʼe ginötöda ba wangosisiʼö omböila danga Yehowa si so ba zi fasuida?