Taʼanauʼö Gölöda Wombaloi

No hauga fakhe saʼae öbaloi waʼatohare Wamatörö Lowalangi? Hadia anau gölöu ba wombaloi si fao faʼebolo dödö hewaʼae ötaögö wamakao? (Rom 8:25) So niha Keriso niʼuduni, lafalua khöra zi lö sökhi, labeʼe ira ba gurunga, ba so nifetaʼu wa lö tola löʼö labunu ira. So göi zanaögö fanandraigö börö wökhö sabölö-bölö mazui börö me no numalö ndröfira.

Hadia zanolo yaʼita enaʼö anau gölöda wombaloi hewaʼae göna ita abula dödö? Moguna tabaso ba taʼangerönusi Zura Niʼamoniʼö ero maʼökhö ba wangaʼaroʼö famatida. Taʼosambuaʼö dödöda ba dötönafö niʼokhögöda. (2Kor 4:16-18; Heb 12:2) Mangandrö ita khö Yehowa soroi ba dödö enaʼö ibeʼe khöda geheha niʼamoniʼö ba wangabölöʼö yaʼita. (Luk 11:10, 13; Heb 5:7) Tola itolo ita Amada safönu faʼomasi enaʼö ’anau gölöda ba wanaögö fefu hadia ia si fao faʼebolo dödö ba faʼomuso dödö’.​—Kol 1:11.

FAIGI VIDEO LÖ TOLA LÖʼÖ ”DATAʼANAUʼÖ GÖLÖDA WAGOHISA”—FADUHUSI TÖDÖ WA ÖTEMA MBUALA, BA BEʼE WANEMA LI BA WANOFU-NOFU DAʼA:

• 

  Hadia ginötö ”si lö mudöna-döna” si tola manö alua ba waʼaurida? (Zango 9:11)

• 

  Na göna ita abula dödö, hewisa wa tola itolo ita fangandrö?

• 

  Na tebai saʼae mangai halöwö ita khö Yehowa simane me mböröta, hana wa taʼosambuaʼö dödöda ba zi tola tafalua iadaʼa?

• 

  Hadia zanolo yaʼugö enaʼö faduhu dödöu wa ötema dania mbuala?