Hewisa Wamaʼanöu Ndraʼugö ba Wanörö Tödö?

Iʼotarai ndröfi daʼa, itugu oya ginötö niʼogunaʼöda ba wamaʼanö yaʼita ba Wanörö Tödö faʼamate Keriso. Na barö migu aekhu Wanörö Tödö, lö hadöi lafalua Waö-Waö Halöwö ba Gangowuloa Faʼauri ba Fanuriaigö. Na aekhu ia ba luo Migu, lö hadöi lafalua huhuo sebua hegöi Famahaʼö Manuriaigö. Hadia öhaogö öʼogunaʼö ginötö daʼö? Simane ba abad siföföna, no lahaogö latatugöi hadia manö nifaluara ba ginötö si tohude andrö. (Luk 22:7-13; km 3/15 1) Hizaʼi, fefu ita moguna tafaʼanö dödöda. Hewisa wamaluada yaʼia?

• Angeragö wa moguna sibai weʼamöi ba gangowuloa.​—1Kor 11:23-26

• Angandrö ba angeragö wahuwusamö khö Yehowa.​—1Kor 11:27-29; 2Kor 13:5

• Baso ba angerönusi artikel si teʼodane-dane ba Daromali Lowalangi sanutunö geluaha Wanörö Tödö.​—Yoh 3:16; 15:13

So ösa zanuriaigö, labaso ba laʼangerönusi wombaso Sura Niʼamoniʼö ba Wanörö Tödö si so ba mbuku Mamareso Sura Niʼamoniʼö Ero Maʼökhö. Tanö böʼönia labaso ayati Zura Niʼamoniʼö si so ba bagan. So göi zamaigi artikel si so ba Manuriaigö sanutunö Wanörö Tödö ba faʼomasi Yehowa hegöi Yesu khöda. Gofu hadia wamahaʼö nifiliu, tola tobali fanolo daʼö ba wangahatöʼö ndraʼugö khö Yehowa hegöi Ononia.