Horigö Ginötömö Wefao ba Niha Sangomasiʼö Yehowa

Hana wa moguna tahorigö ginötöda ba niha sangomasiʼö Yehowa? Börö me awöda fariawö tola iʼohe ita ba zi sökhi mazui si lö sökhi. (Gamd 13:20) Duma-dumania, ifalua ’zomasi Yehowa’ Razo Yoasi sagötö fariawö ia khö Gere Sebua sotöi Yehoyada. (2Nga 24:2) Me no aefa mate Yoyada, fariawö Yehoasi ba niha si lö sökhi irege iröi Yehowa.​—2Nga 24:17-19.

Me abad siföföna M, ifagölösi mbanua niha Keriso Waulo simane ’omo sebua’, ba ono mbanuania simane ”gama-gama” mazui fakake si so ba nomo. Tola tobali ita ”gama-gama soguna” na lö fariawö ita ba niha si lö mangomasiʼö Yehowa, hewaʼae na daʼö ösi nomoda mazui ira talifusöda si so ba mbanua niha Keriso si farahu yaʼita. (2Tim 2:20, 21) Börö daʼö, moguna böi tebulö fariawö ita ba niha sangomasiʼö Yehowa hegöi samarou yaʼita ba wamosumange yaʼia.

FAIGI VIDEO FAHAʼÖ NDRAʼUGÖ BA WANIMBAGÖ FARIAWÖSA SI LÖ SÖKHI, BA BEʼE WANEMA LI BA WANOFU-NOFU DAʼA:

• Hewisa wa tola ibörögö fariawö ita ba niha si lö sökhi ba zi lö tadöna-döna?

• Ba video daʼa, hadia zanolo ndra talifusöda si datölu enaʼö lö lafuli fariawö khö ndra awöra si lö sökhi?

• Hadia manö goi-goi Zura Niʼamoniʼö sanolo yaʼita ba wamili awöda fariawö si fao faʼatua-tua?