Lö Omasi Yehowa ba Niha si Taʼunö

Ato ira satua lafahaʼö iraonora hewisa lala enaʼö lö taʼunö. Duma-dumania, lafahaʼö ndraonora ba wanasai tanga, ba wamöföʼö nomo, ba wamözini salo, hegöi ba waniboʼö zasao. Hizaʼi, sindruhunia fareta ba wondrorogö enaʼö lö taʼunö, moroi khö Lowalangi niʼamoniʼö. (2Moz 30:18-20; 5Moz 23:15; 2Kor 7:1) No tafolakhömi Yehowa na lö taʼunö mbotoda hegöi gama-gama niʼokhögöda. (1Fet 1:14-16) Hewisa göi nomoda hegöi ba zi fasuida? Si toʼölönia niha, latiboʼö zasao ba lala hegöi ba taman. Hizaʼi, laforege niha Keriso ba wondrorogö omora hegöi ba zi fasuira enaʼö lö taʼunö. (Zin 115:16; Fam 11:18) Moroi ba ngawalö zide-ide, simane ba waniboʼö guli gulo-gulo, kale-kale naha nidanö, mazui gulo-gulo gitö, tola taforomaʼö hadia niha si taʼunö ita mazui niha si lö taʼunö. Ba ngawalö hadia ia nifaluada, taforomaʼö wa ’sangai halöwö ita khö Lowalangi’.​—2Kor 6:3, 4.

FAIGI VIDEO LÖ OMASI LOWALANGI BA NIHA SI TAʼUNÖ, BA BEʼE WANEMA LI BA WANOFU-NOFU DAʼA:

• Hana wa so ösa niha si lö mondrorogö gama-gamara faböi taʼunö?

• Hewisa Goroisa Moze ba wamahaʼö yaʼita sanandrösa ba wamaigi Yehowa falötaʼunö?

• Hewisa wa möi famolakhömi Yehowa fangehao mbotoda, omoda, hegöi hondra mazui motoda?