Hadia Mbörö Wa Ifalalini Döi Gaberamo hegöi Saraʼi Yehowa?

17:1, 3-5, 15, 16

Ba wamaigi Yehowa, Aberamo andrö no niha satulö. Me ihaogö itutunö Yehowa mbuʼusa linia khö Gaberamo, ifalalini döi Gaberamo tobali Aberahamo ba Saraʼi tobali Sara. Töira si bohou andrö no tobali khala-khala salua ba waʼaurira ba zi so miföna.

Simane geluaha döira andrö, tobali Aberahamo ama dozi soi, ba Sara andrö tobali awe moroi khö ndra razo.

• 

  Aberahamo

  Ama Niha Sato

• 

  Sara

  Ono Razo Alawe

Tebai tafili samösa haniha döida me awena tumbu ita. Hizaʼi simane Aberahamo hegöi Sara, tola taʼokhögö döi si sökhi ba waʼaurida samösa. Sofu khöu samösa:

• ’Hewisa enaʼö tola tobali ndraʼo niha satulö föna Yehowa?’

• ’Hadia döi si sökhi niʼokhögögu föna Yehowa?’