GIRÖ-GIRÖ SI TOBINI MOROI BA DAROMALI | 2 MOZE 10-11

Laforomaʼö Waʼabarani Ira Moze hegöi Aʼaroni

10:3-6, 24-26, 28; 11:4-8

Laforomaʼö waʼabarani ira Moze hegöi Aʼaroni ba ginötö fahuhuo ira khö Waraʼo, ira matua fondrege zebua kuaso ba gulidanö me luo daʼö. Hadia mbörö wa tola barani ira? Imane Sura Niʼamoniʼö sanandrösa khö Moze, ”Börö wamati wa iröi danö Miserai, tenga börö waʼataʼunia ba wönu razo. Lö awuwu ia hulö na no iʼila Lowalangi si lö oroma andrö.” (Heb 11:27) Aro wamati Moze hegöi Aʼaroni khö Yehowa ba laʼodaligö ia.

Hadia zalua si tola manandraigö faʼabaranimö ba wangoromaʼö famati föna niha si so kuaso?

Kolase: Salua zi tola manandraigö faʼabaranida. 1. So samösa nono matua ba zekola si zizio ba gotalua niha böʼö sameʼe yawa dangara ba mandrera. 2. Mozizio zi samösa dalifusöda ira matua föna zangetuʼö huku. 3. So samösa dalifusöda ira matua sawuyu-wuyu sameʼe risalah khö zokhö omo me so wolisi samaigi-maigi yaʼira.