GIRÖ-GIRÖ SI TOBINI MOROI BA DAROMALI | 3 MOZE 4-5
Beʼe Wondrege zi Sökhi khö Yehowa
Fefu ndraono Gizaraʼeli, tefarahu ba daʼö niha si numana, tola laʼokhögö gamakhaita si sökhi khö Yehowa. Hewaʼae na numana sibai zi samösa ndraono Gizaraʼeli, tola itema zumangenia Yehowa na ibeʼe wondrege zi sökhi. Tola labeʼe hamo si tobali sumange. Hizaʼi, omasi Yehowa na hamo si sökhi nibeʼera khönia, yaʼia daʼö hamo si toʼölö muʼogunaʼö ba wamazökhi ö dome si tohude. (1Moz 18:6) Ba götöda iadaʼa, hewaʼae na moʼamböta ita, hasambalö itema Yehowa ”zumange fanuno” fondrege zi sökhi nibeʼeda khönia.—Heb 13:15.
Hana wa tola möi fondrara dödömö daʼa na lö saʼae oya zi tola öfalua ba wamati, tenga simane me abölö ndraʼugö mazui lö fökhö-fökhömö?