Hewisa Lala Ndra Talifusöda Ira Alawe ba Wondrouʼö Halöwö ba Wamati?

Oya sibai nifalua ndra talifusöda ira alawe ba wotuhini organisasi Yehowa. (Si 68:11) Ato niha nifahaʼöra ba Zura Niʼamoniʼö, ba yaʼira göi zabölö ato moroi ba gotalua ndra perintis biasa. Baero daʼö, so mato hauga ribu ndra talifusöda ira alawe si tobali ösi nomo Mbetieli, utusan injil, sohalöwö ba wamazökhi tomosa, hegöi samoʼeluaha. Ato ndra talifusöda ira alawe saro ba wamati si tobali duma-duma ba nösi nomora hegöi ba mbanua niha Keriso. (Amd 14:1) Hewaʼae na tebai mangai halöwö ira tobali satua sokubaloi mazui enoni, oya zi tola lafalua ba mbanua niha Keriso. Hadia manö zi tola lafalua ba wondrouʼö halöwö ba wamati?

• Douʼö mbua-bua sangomusoiʼö tödö Lowalangi.​—1Ti 3:11; 1Fe 3:3-6

• Tolo ndra talifusöda ira alawe sawena tobali samosumange Yehowa.​—Tit 2:3-5

• Douʼö waʼonekheu hegöi inötö niʼogunaʼöu ba wanuriaigö

• Fahaʼö ndraʼugö ba li böʼö

• Aeʼe ba nahia si lö ato sanuriaigö

• Foʼösi formulir wangai halöwö ba Mbetieli mazui ba wolului halöwö famazökhi tomosa

• Foʼösi formulir wefao ba Sekolah bagi Penginjil Kerajaan

FAIGI VIDEO ”TALIFUSÖDA IRA ALAWE SI NO EREGE TÖDÖ WOHALÖWÖ KHÖ ZOʼAYA”, BA BEʼE WANEMA LI BA WANOFU DAʼA:

• Hadia wamahaʼö si tola tahalö moroi ba zi no irai alua khö ndra talifusöda ira alawe si so ba video daʼa?