Famahaʼö moroi ba Waö-Waö Waʼauri Zamueli

Lö faröi Zamueli khö Yehowa sandrohu faʼaurinia. Me iraono nasa ia, lö fao ia wamalua amuata si lö sökhi simane nifalua ndraono Geli sotöi Hofini hegöi Fineha. (1Sa 2:22-26) Itugu tedou waʼebua-bua Zamueli, ba lö tebulö fao khönia Yehowa. (1Sa 3:19) Lö faröi Zamueli khö Yehowa irugi ba waʼatuania, hewaʼae na no faröi ndraononia.—1Sa 8:1-5.

Hadia wamahaʼö si tola tahalö moroi ba duma-duma Zamueli? Na awuyu-wuyu nasa ndraʼugö, yafaduhu dödöu wa aboto ba dödö Yehowa hadia nirasoimö hegöi abula dödö nitaögöu. Tola itolo ndraʼugö enaʼö so khöu waʼabarani. (Yes 41:10, 13) Na so nonou si no mondröi sindruhu, tatu terara dödöu na öbaso waö-waö waʼauri Zamueli. Tebai ifaso ndraononia si no ebua-bua enaʼö lö tebulö lafosumange Yehowa. Itouʼö khö Yehowa gabula dödönia andrö, lö tebulö ifalua zatulö, ba iʼomusoiʼö dödö Lowalangi. Na öʼoʼö duma-duma Zamueli, tola manö terou dödö nonomö wangawuli khö Yehowa.

FAIGI VIDEO TAFAHAʼÖ ITA KHÖRA—SAMUELI, BA BEʼE WANEMA LI BA WANOFU-NOFU DAʼA:

• 

  Hewisa wangoromaʼö Zamueli faʼabarani me iraono ia?

• 

  Hewisa wangoromaʼö Danny wa so khönia waʼabarani?

• 

  Hadia duma-duma nibeʼe Zamueli me no atua ia?

• 

  Hadia duma-duma nibeʼe ndra satua Danny?