Haniha zi Fahuwu Khöu ba Media Sosial?

Tola aro wahuwusa zi darua niha na faoma laʼomasiʼö ba laʼameʼegö tödö nawöra. Duma-dumania Yonata faoma Dawido. Tebörögö wahuwusara me no mate Goliato ibeʼe Dawido. (1Sa 18:1) Yaʼira si darua andre faoma laʼokhögö gamuata si sökhi irege omasi ira fahuwu. Börö daʼö, tola aro wahuwusa zi darua niha na faoma aboto ba dödöra nawöra, ba moguna ginötö hegöi famorege enaʼö tola mofozu daʼö. Hizaʼi, ba media sosial, tola lasöndra zi ”fahuwu” khöra ha sakali fotuko. Baero daʼö, na ba media sosial, abua khöda wangiʼila haniha zi fahuwu khöda börö me no lahaogö laʼangeragö ua sakali hadia niwaʼöra ba ha si sökhi manö nitutunöra sanandrösa ba waʼaurira. Börö daʼö, abölö baga na mangelama ita ba wamili si fahuwu khöda ba media sosial. Duma-dumania hewisa na iʼandrö khöu enaʼö tobali ndraʼugö si fahuwu khönia ba media sosial, hizaʼi lö öʼila haniha ia sindruhunia? Böi so khöu waʼaombö dödö mazui faʼataʼu na lö fahuwuʼö khönia ba böi öwaʼö tödöu hewisa dania dödönia. So göi ösa zi lö mangogunaʼö media sosial börö me no laʼila wa tola möi famaʼalara daʼö. Hizaʼi, na no öhalö gangetula ba wangogunaʼö media sosial, hadia manö zinangea ötörö tödömö?

FAIGI VIDEO OGUNAʼÖ JEJARING SOSIAL SI FAO FAʼATUA-TUA, BA BEʼE WANEMA LI BA WANOFU-NOFU DAʼA:

• 

  Hadia zinangea itörö tödöu fatua lö öwaʼö niwaʼöu mazui öbeʼe koda ba media sosial?

• 

  Hana wa moguna mangelama ndraʼugö ba wamili si fahuwu khöu ba media sosial?

• 

  Hana wa moguna ötatugöi ginötö ba wangogunaʼö media sosial? —Ef 5:15, 16