GIRÖ-GIRÖ SI TOBINI MOROI BA DAROMALI

Fili zi Tobali Foʼomomö si Fao Faʼatua-tua

Lö iforomaʼö waʼatua-tua Selomo me mangowalu ia khö ndra alawe si lö mamosumange Yehowa (1Ra 11:1, 2; w18.07 16 ¶7)

Itugu ara, itugu lö saʼae ba dödö Zelomo wamosumange Yehowa börö woʼomonia (1Ra 11:3-6; w19.01 15 ¶6)

Mofönu sibai Yehowa khö Zelomo (1Ra 11:9, 10; w18.07 17 ¶9)

Angorudua gambara: Samösa dalifusöda ira alawe ifahaʼö ia ba Zura Niʼamoniʼö ba iʼangeragö samösa dalifusöda ira matua. 1. Ibeʼe mbua gera-erania talifusöda ira matua andrö ba gangowuloa. 2. Fao ia wanuriaigö ba nahia sato niha. 3. Ilului wondrorogö Nahia Gangowuloa.

Ifangelama niha Keriso Taromali Lowalangi enaʼö mangowalu ira ha ”ba khö Zoʼaya”. (1Ko 7:39) Hizaʼi, hewaʼae na no tebayagö idanö zi samösa niha, tenga daʼö geluahania wa yaʼia andrö dania foʼomo si sökhi. Angeragö daʼa: ’Hadia tola itolo ndraʼo enaʼö lö uböhöli wamosumange Yehowa soroi ba dödö? Hadia no iforomaʼö wa sindruhu-ndruhu iʼomasiʼö Yehowa?’ Fatua lö mangowaluʼö khönia, ogunaʼö ginötö enaʼö itugu aboto ba dödömö niha si tobali foʼomomö dania.