Faʼanö Ndraʼugö Iadaʼa Fatua Lö Alua Wökhö Sabölö-bölö

Hana wa moguna wamaʼanö? Tola manö göna ita fökhö sabölö-bölö ba zi lö mudöna-döna ba toröi ita ba rumah sakit. Hizaʼi fatua lö alua daʼö, moguna öfaʼanö ndraʼugö enaʼö tola öʼogunaʼö wanolo si no muhenaigö. Na öfalua daʼö, tola labeʼe lala wamadöhö fökhö si tefaudu ba zalua khöu. Na öfaʼanö ndraʼugö, no öforomaʼö wa öʼameʼegö tödö waʼauri hegöi goi-goi Yehowa sanandrösa ba ndro.—Hal 15:28, 29.

Hadia manö zinangea öfaʼanö?

• Haogö fareso ba lau angandrö na öfoʼösi Surat Kuasa Khusus Perawatan Kesehatan (kartu DPA).a Ira talifusöda si no mubayagö idanö, tola laʼokhögö kartu DPA ba labeʼe göi Kartu Identitas (ic) ba ndraonora. Tola lahalö daʼö khö hamba lektur

• Na manabina ndraʼugö, andrö khö ndra satua sokubaloi dokumen Informasi bagi Ibu Hamil (S-401). Tola möi fanolomö dokumen daʼö ba wangai angetula si sökhi sanandrösa ba medis na alua hadia ia ba dabinamö hegöi na moʼonoʼö

• Na toröi ndraʼugö ba rumah sakit mazui laʼogunaʼö ndro ba wodalu-daluni yaʼugö, anemaiʼö fatunö khö ndra satua sokubaloi ba fatunö ba rumah sakit wa so ndra Samaduhuʼö Yehowa zamaigi yaʼugö

Hewisa ndra satua sokubaloi ba wameʼe fanolo? Tola latolo ndraʼugö ba wamoʼösi kartu DPA. Hizaʼi, lö lahalö gangetula khöu ira satua sokubaloi sanandrösa ba medis ba lö lafaso ndraʼugö enaʼö öhalö gangetula simane si so ba wangera-ngerara. (Rom 14:12; Gal 6:5) Na öfatunö khö ndra satua sokubaloi gabula dödöu sanandrösa ba medis soʼamakhaita ba ndro, laʼanemaiʼö lafatunö daʼö khö ndra Panitia Penghubung Rumah Sakit (PPRS).

Hewisa ndra PPRS ba wameʼe fanolo? Ira talifusöda sohalöwö ba PPRS, no mufomaha ira ba wahuhuosa khö ndra sohalöwö ba medis hegöi huku enaʼö aboto ba dödöra hadia nifaduhusida tödö sanandrösa ba ndro. Tola lafatunöisi khö ndra doto hadia manö zinangea mufalua faböi ötema ndro. Na moguna, tola latolo ndraʼugö ba wangalui doto soʼameʼegö tödö angetula nihalöu sanandrösa ba ndro.

FAIGI VIDEO LALA BA WANGAI ANGETULA SANANDRÖSA BA WAMEʼE DALU-DALU SOʼAMAKHAITA BA NDRO, BA BEʼE WANEMA LI BA WANOFU-NOFU DAʼA:

• Hewisa wa tola möi fanolomö video daʼa ba wamaʼanö yaʼugö sanandrösa ba lala wameʼe dalu-dalu soʼamakhaita ba ndro?

  Your answer