FAʼAURI NIHA KERISO

Hadia No Tefaʼanö Ndraʼugö Fatua Lö Alua Krisis Ekonomi?

Lö moguna tokea ita ba ginötö alua krisis ekonomi börö ngawalö zalua ba zi sagörö ulidanö. Hadia mbörö? Börö me auri ita ba ngaluo safuria ba no ifangelama ita Sura Niʼamoniʼö enaʼö lö manötöna ita ba ”waʼakayo salio taya”. (1Ti 6:17; 2Ti 3:1) Moroi ba duma-duma Razo Yozafati, hadia wamahaʼö si tola tahalö sanandrösa ba wamaʼanö yaʼita na alua krisis ekonomi?

Ba ginötö so wametaʼu moroi ba soi böʼö, faduhu dödö Yozafati khö Yehowa. (2Ng 20:9-12) Ifaʼanö göi nono mbanuania enaʼö lafoʼöli mbanuara ba ifazökhi naha wanaro ndra saradadu. (2Ng 17:1, 2, 12, 13) Simane Yozafati, moguna faduhu dödöda khö Yehowa ba tafaʼanö ita ba wanaögö abula dödö ba zi so miföna.

HADIA MANÖ NIFAʼANÖDA YAʼITA FATUA LÖ ALUA KRISIS EKONOMI?

Aroʼö wahuwusau khö Yehowa: Andrö saohagölö ba zi no öʼokhögö, ba aroʼö waʼafaduhu dödöu khö Yehowa wa so khönia waʼabölö ba wangaʼasogö soguna khöu ero maʼökhö. (Mat 6:26; 1Ti 6:8) Ba wangalui soguna, halö gangetula ba woloʼö goi-goi Zura Niʼamoniʼö. (Rom 2:21) Angeragö hewisa lala enaʼö lö aetu öbaso Zura Niʼamoniʼö hegöi publikasi si teʼodane-dane ba Zura Niʼamoniʼö hewaʼae na lö hadöi listrik mazui jaringan Internet. Fili ba iröʼö ösa publikasi tercetak. Na tola, download göi publikasi ba perangkat elektronik niʼokhögöu.

Iröʼö gefemö: Fatua lö alua krisis ekonomi, alösi ba wowöli sambö moguna hegöi ba woʼömö. (Amd 22:7) Na tola, iröʼö gö hegöi soguna tanö böʼö sinangea muʼogunaʼö. Tanö böʼönia tola ötanö zinanö hegöi sayu enaʼö alö wangogunaʼöu kefe.

FAIGI VIDEO HADIA NO ÖFAʼANÖ NDRAʼUGÖ FATUA LÖ ALUA BENCANA? BA BEʼE WANEMA LI BA WANOFU-NOFU DAʼA:

Gambara moroi ba video ”Hadia No Öfaʼanö Ndraʼugö Fatua Lö Alua Bencana?” So gambara Zura Niʼamoniʼö, tas bencana, HP, hegöi sohalöwö.

Hadia nifaluada ero samösa fatua lö alua bencana alam?

Your answer

Gambara moroi ba video ”Hadia No Öfaʼanö Ndraʼugö Fatua Lö Alua Bencana?” Ira talifusöda si no aoha gölö ba wangehaogö omo si no tekiko ba lafazawa gama-gama moroi ba moto farakha.

Hewisa göi enaʼö tefaʼanö ita ba wanolo niha böʼö?

Your answer