FAʼAURI NIHA KERISO

Oʼö Waʼomasi Yehowa si Lö Faröi

No duma-duma fondrege zi sökhi Yehowa sanandrösa ba wangoromaʼö faʼomasi si lö faröi. (Si 103:11) Faʼomasi daʼa tenga ha si tumbu ba zi sabata, ba taya ba zi lö arara. Tefarahu göi ba daʼö gamakhaita saro ba si lö alio aetu. Oya lala niʼogunaʼö Yehowa ba wangoromaʼö amuatania andre ba ndraono Gizaraʼeli. Iʼefaʼö ira moroi ba wangosawuyu niha Miserai ba iʼohe ira ba Danö Amabuʼula. (Si 105:42-44) Iʼefaʼö ira moroi ba nudu ba asese iʼefaʼö zalara. (Si 107:19, 20) Börö me no ’tahaogö woʼangeragö faʼomasi si lö faröi niforomaʼö Yehowa’, tatu terou dödöda ba woloʼö yaʼia.—Si 107:43.

Angorodua gambara: Gambara moroi ba video ”Mihaogö Minehegö Waʼomasi si Lö Faröi Niforomaʼö Yehowa”. 1. Möi dalifusöda Capra hegöi talifusöda tanö böʼö ba wamalukhaisi talifusöda ira alawe ba nomo. 2. Ba gurunga so dalifusöda Capra hegöi talifusöda tanö böʼö, ba labeʼe gö khö dalifusöda sofökhö si so ba naha wemörö.

FAIGI VIDEO ”MIHAOGÖ MINEHEGÖ WAʼOMASI SI LÖ FARÖI NIFOROMAʼÖ YEHOWA”, BA BEʼE WANEMA LI BA WANOFU-NOFU DAʼA:

Hadia manö zi tola tafalua ba wangoromaʼö faʼomasi si lö faröi?

Your answer
Hana wa moguna so nitehegöda na taforomaʼö waʼomasi si lö faröi?

Your answer