FAʼAURI NIHA KERISO

Tolo Niha si Lö Agama Enaʼö Aboto ba Dödöra Zomböi Yaʼira

Hadia no irai so khöu waʼaombö dödö me manuriaigö ba niha si lö agama? Te so ba dödömö wa lö omasi ira. Hizaʼi törö tödöu, ato niha si lö agama mazui niha si lö faduhu tödö wa so Lowalangi, ba gafuriata tobali ira Samaduhuʼö Yehowa. Si toʼölönia, moguna mutolo ira enaʼö laʼila dandra-tandra wa sindruhu-ndruhu so Lowalangi andrö.—Rom 1:20; 10:14.

FAIGI VIDEO BÖI OLIFUGÖ—TOLA MAMATI NIHA SI LÖ FAMATI!—NIHA SI LÖ AGAMA, BA BEʼE WANEMA LI BA WANOFU-NOFU DAʼA:

Hewisa wa möi fanolo khöu duma-duma Tommaso enaʼö öʼokhögö wangera-ngera si sökhi ba niha si lö faduhu tödö khö Lowalangi?

Fanema limö

Lala wamalua yaʼia

Na so niha si falukha khöda si lö faduhu tödö khö Lowalangi, foromaʼö wa omasi ita taʼila hadia mbörö wa so ba dödönia zimanö. Böi fadaʼawa ba haogö khönia wanutunö. (2Ti 2:24) Tutunö khönia duho-tuho sadöni dödönia. Hadia omasi ia na mututunö dandra sangoromaʼö wa ato zi no faduhu tödö wa so Zomböi? Na omasi ia, ogunaʼö publikasi mazui video si no mufaʼanö ba wanutunö daʼö.

Ba wamobörö, te aombö dödöu ba wanutunö Sura Niʼamoniʼö ba niha si lö faduhu tödö khö Lowalangi. Na alua zimane daʼö, andrö wanolo moroi khö ndra talifusöda si no toʼölö manuriaigö. Baero daʼö, böi olifu ita wa hasambalö itolo ita Yehowa enaʼö tofakha ba dödö niha si so fangera-ngera satulö ba zindruhu, hewaʼae ba wamobörö lö faduhu dödöra khö Lowalangi.—Hal 13:48.