HADIA IFONDRONDRONGO WANGANDRÖMÖ LOWALANGI?
Ba ginötö mangandröʼö, hadia so ba wangera-ngeramö wa sindruhu-ndruhu ifondrondrongo wangandrömö Lowalangi?
HADIA NIWAʼÖ ZURA NIʼAMONIʼÖ?
Ifondrondrongo Lowalangi. Ifaduhuʼö khöda Sura Niʼamoniʼö wa ”ahatö Yehowa ba niha soʼangaröfili yaʼia, siʼao khönia soroi ba dödö. . . . Ifondrondrongo na muʼao ira wangandrö fanolo”.—Sinunö 145:18, 19.
Omasi Lowalangi na mangandrö ndraʼugö khönia. Ifarou ita Sura Niʼamoniʼö, ”Mibokai khö Lowalangi ba wangandrö si fao fangalulu na so zabu dödömi ba ngawalö hadia ia, yafao wangandrö saohagölö.”—Filifi 4:6.
Sindruhu-ndruhu iʼameʼegö tödö ndraʼugö Lowalangi. Aboto ba dödö Lowalangi gabula dödöda hegöi faʼaombö dödöda, ba omasi ia itolo ita. Imane Sura Niʼamoniʼö, ”Mitouʼö ba dangania na so zabu dödömi gofu hadia ia, so so sa dödönia ami.”—1 Fetero 5:7.