Ba Dangamö So Waʼaurimö ba zi So Miföna

Mato 3.500 fakhe silalö, no irai ifatunö Lowalangi Yehowa ba nono mbanuania hadia zi lö tola löʼö lafalua enaʼö ohahau dödöra ba waʼaurira ba zi so miföna. Imane, ”So dombua ngawalö nibeʼegu khömi si tola mifili, faʼauri ba faʼamate, howu-howu ba fangelifi. . . . Mifili waʼauri faböi mate ami, yaʼami hegöi ngaʼötömi.”—5 Moze 30:19.

Lö tola löʼö moguna lahalö gangetula si tefaudu enaʼö lasöndra waʼohahau dödö ba zi so miföna. Simane yaʼira, moguna göi tahalö gangetula. Hewisa lalania enaʼö tola tahalö gangetula si tefaudu? Imane Sura Niʼamoniʼö, ”Miʼomasiʼö Yehowa Lowalangimi, mifondrondrongo wehedenia.”—5 Moze 30:20.

HEWISA WANGOMASIʼÖDA YEHOWA BA HEWISA ENAʼÖ TAFONDRONDRONGO NIWAʼÖNIA?

FAHAʼÖ NDRAʼUGÖ BA ZURA NIʼAMONIʼÖ: Enaʼö tola taʼomasiʼö Yehowa, moguna ua tafahaʼö ita sanandrösa khönia moroi Zura Niʼamoniʼö. Na tafalua daʼö, awena aboto ba dödöda wa yaʼia andrö sindruhunia Lowalangi sangomasiʼö yaʼita, ba omasi ia na si sökhi zalua khöda. Iʼandrö göi khöda enaʼö mangandrö ita khönia börö me ”so so sa dödönia [ita]”. (1 Fetero 5:7) Ifabuʼu göi khöda Sura Niʼamoniʼö na taforege wangondrasi Lowalangi ba ’iʼondrasi göi ita’.—Yakobo 4:8.

FALUA ZI NO ÖFAHAʼÖ YAʼUGÖ: No tafondrondrongo Lowalangi na taʼoʼö mene-menenia si sökhi ba Zura Niʼamoniʼö. Na tafalua daʼö, ’mofozu waʼaurida ba atua-tua ita ba wangai angetula’.—Yosua 1:8.