Fahaʼö Ndraʼugö moroi ba Gambara

Oya sibai gambara ba publikasida sameʼe khöda famahaʼö sabölö moguna. Hewisa enaʼö oya wamahaʼönia khöda moroi ba gambara andrö?

• Fatua lö öbaso zi sambua artikel, nehegö ua sakali gambarania. Duma-dumania simane daʼa: Na taʼila gö sami, tatu omasi ita wemanga yaʼia. Simane daʼö göi, tola idönisi dödöda gambara si so ba zi sambua artikel enaʼö tabaso artikel daʼö. Börö daʼö, fatua lö öbaso zi sambua artikel, angeragö: ’Hadia gambara nifaigigu?’—Amo. 7:​7, 8.

• Ba ginötö öbaso artikelnia, angeragö hana wa mufili gambara daʼö. Na so, baso keterangan si so ba gambara daʼö. Angerönusi gamakhaita gambara daʼö ba duho artikel hegöi ba waʼaurimö.

• Na no aefa öbaso, fuli faigi gambarania enaʼö öʼila hadia duho-tuhonia. Aefa daʼö, fuli törö tödöu ero sambua gambara hegöi famahaʼönia khöu.

• Fuli faigi atö gambara si so ba majalah daʼa. Hawaʼoya wamahaʼö si lö olifu ndraʼugö moroi ba gambara andrö?