Ogunaʼö Referensi Silang

Ba Mbuku Niʼamoniʼö Famoʼeluaha Gulidanö si Bohou, so referensi silang sangoromaʼö wa faoma moʼamakhaita fefu ayati si so ba Zura Niʼamoniʼö. Ba referensi silang, ifakhai ayati daʼö ba ayati tanö böʼö enaʼö oya taʼila gangombakhatania. Enaʼö öʼila hezo so referensi silang, tandraigö alui hurufo side-ide si so ba gafuriata ngawua wehede. Na ba Zura Niʼamoniʼö si no mucetak, alui hurufo si fagölö bakha ba gotalua. Na ba Zura Niʼamoniʼö si so ba jw.org mazui JW Library^®, tuko manö hurufo daʼö.

Tola itolo ndraʼugö referensi silang ba wangalui ngawalö gonönöta, simane:

Waö-waö si fagalö: Ba refensi silang, tola taʼila ayati tanö böʼö sanutunö waö-waö si fagölö. Duma-dumania, faigi atö nisura ba 2 Samueli 24:1 hegöi 1 Ngaʼötö 21:1.

Kutipan: Ba referensi silang, tola taʼila hezo tehalö zi sambua ngawua wehede mazui istilah niʼogunaʼö ba ayati daʼö. Duma-dumania, faigi atö nisura ba Mataiʼo 4:4 hegöi 5 Moze 8:3.

Famaʼeleʼö si no alua: Ba referensi silang, ifakhai zi sambua famaʼeleʼö ba zalua me alua wamaʼeleʼö daʼö. Duma-dumania, faigi atö nisura ba Mataiʼo 21:5 hegöi Zakharia 9:9.