Nisura ba gahe zura

a No sinangea na so khöda waʼataʼu. Tola tobali folumöʼöda daʼö moroi ba deʼala. Hizaʼi itaria, faʼataʼu andrö tobali famaʼalada. Hadia mbörö? Börö me tola iʼodela daʼö Satana ba wamaʼala yaʼita. Börö daʼö, moguna taforege ba wolawa faʼataʼuda. Hewisa lalania? Simane nitutunöda dania, tola talawa fefu waʼataʼu na faduhu dödöda wa iʼomasiʼö ita Yehowa ba faʼawö ia khöda.