Nisura ba gahe zura

a Me fahuhuo Yesu sanandrösa ba dandra luo safuria, oya gamaedola nibeʼenia khö ndra nifahaʼönia. Sabölö tohude, si föföna itutunö ”sawuyu si lö faröi, satua-tua”, yaʼia daʼö ngawawa side-ide niha nibayoini zondröniaʼö ono mbanua Lowalangi. (Mataiʼo 24:45-47) Aefa daʼö, ibeʼe gamaedola ba niha nibayoini. (Mataiʼo 25:1-30) Ba gafuriata, itutunö sanandrösa khö dalifusö si falulu fohalöwö khö Keriso ba auri ira sagötö faʼara ba gulidanö. (Mataiʼo 25:31-46) Simanö göi, na ibörögö alua wamaʼeleʼö Hezekieli iadaʼa, si föföna alua yaʼia daʼö khö zanötöna faʼauri ba zorugo. Si toʼölönia, si fulu mado moroi ba ndraono Gizaraʼeli lö laʼamaedolagö ira sanötöna ba gulidanö. Hizaʼi, ifasugi ba dödöda wa fangosambuaʼö nitutunö ba wamaʼeleʼö andre manandrösa ia ba ”mbiri-biri böʼö” hegöi niha nibayoini.