Tola Tobali Ndraʼugö si Fahuwu khö Yehowa

Omasi Yehowa enaʼö aboto ba dödöu haniha ia. Hadia mbörö? Börö me omasi ia na tobali ndraʼugö si fahuwu khönia. Itötöna enaʼö oya öfahaʼö ndraʼugö sanandrösa ba gamuatania, hewisa ba hadia nifaluania ba niha, hadia gohitö dödönia, ba hadia nifaluamö enaʼö itugu ahatö ndraʼugö khönia. Na simanö, hadia tola tobali ita si fahuwu khö Lowalangi? (Baso Zinunö 25:14.) Hadia zinangea tafalua enaʼö tobali ita si fahuwu khö Lowalangi? Ibeʼe wanema li Sura Niʼamoniʼö ba itutunö göi khöda wa abölö omuso dödöda na fahuwu ita khö Yehowa.

1. Hadia niʼandrö Yehowa enaʼö öfalua?

Imane Sura Niʼamoniʼö, ”Miʼondrasi Lowalangi ba iʼondrasi ami.” (Yakobo 4:8) Iʼandrö khöu Yehowa enaʼö tobali ndraʼugö si fahuwu khönia. So ösa zangumaʼö wa tebai tobali ita si fahuwu khö Lowalangi börö me lö oroma ia. Hizaʼi, ifatunö khöda Yehowa ba Daromalinia yaʼia daʼö Sura Niʼamoniʼö, hewisa gamuatania andrö enaʼö ahatö ita khönia. Tobali, na tabaso nifaʼema Lowalangi ba Zura Niʼamoniʼö, tola tobali ita si fahuwu khö Yehowa hewaʼae lö taʼila ia.

2. Hadia mbörö wa si Fahuwu si sökhi khöda Yehowa?

Ebua sibai waʼomasi Yehowa khöu. Samösa lö hadöi sangomasiʼö yaʼugö simane daʼö. Omasi ia na ösöndra waʼomuso dödö. Omasi göi ia na mangandrö ndraʼugö khönia gofu hadia ginötö na moguna khöu wanolo. Imane Sura Niʼamoniʼö, ”Mitouʼö ba dangania na so zabu dödömi gofu hadia ia, so so sa dödönia ami.” (1 Fetero 5:7) Hasambalö ituhini ndraʼugö Yehowa, ibeʼe khöu wondrara dödö ba ifondrondrongo zi fahuwu khönia.—Baso Zinunö 94:18, 19.

3. Haniha manö zinangea fahuwu khö Yehowa?

Omasi Yehowa ba niha fefu, hizaʼi ”fahuwu sibai ia ba niha sadölö tödö”. (Amaedola 3:32) Omasi sibai Yehowa na lafalua zi sökhi ira si fahuwu khönia ba laʼaröuʼö ira ba gamuata si lö sökhi. So zangumaʼö wa abeʼe sibai goi-goi Yehowa sanandrösa ba zi sökhi ba si lö sökhi. Hizaʼi, aboto sibai ba dödö Yehowa ita. Omasi itemaʼö gofu haniha manö zi fahuwu khönia na sindruhu-ndruhu laʼomasiʼö ia ba laʼodödögö wangomusoiʼö tödönia.—Sinunö 147:11; Halöwö Zinenge 10:34, 35.

ODÖDÖGÖ NASA WANGALUI

4. Aberahamo andrö si fahuwu khö Yehowa

Moroi ba waö-waö Zura Niʼamoniʼö sanandrösa khö Gaberahamo (Aberamo), tola taʼila hewisa zindruhunia niha somasi fahuwu khö Lowalangi. Baso waö-waönia ba 1 Moze 12:1-4, ba beʼe wanema li ba wanofu-nofu daʼa:

• Hadia niʼandrö Yehowa khö Gaberahamo enaʼö ifalua?

• Hadia nifabuʼu Yehowa khö Gaberahamo?

• Hadia nifalua Gaberahamo me no irongo niʼandrö Yehowa andrö?

5. Niʼandrö Yehowa ba niha si fahuwu khönia

Si toʼölönia, so zinangea tatötöna ba niha si fahuwu khöda.

• Hadia nitötönamö ba niha si fahuwu khöu?

Baso 1 Yohane 5:3, ba beʼe wanema li ba wanofu daʼa:

• Hadia niʼandrö Yehowa ba niha si fahuwu khönia?

Te moguna tabulöʼö gamuatada hegöi fangera-ngerada ba tafaudugö moloʼö somasi Yehowa. Na tafalua daʼö no taʼoʼö Yehowa. Baso Yesaya 48:17, 18, ba beʼe wanema li ba wanofu daʼa:

• Hana wa iʼandrö Yehowa ba niha si fahuwu khönia enaʼö labulöʼö gera-erara?

6. Nifalua Yehowa ba niha si fahuwu khönia

VIDEO: Oya Wanolo Nibeʼe Yehowa Khögu (3:20)

• Ba video andrö mege, hewisa Yehowa ba wameʼe fanolo ba wolawa fangera-ngera hegöi tödö si lö sökhi?

Baso Yesaya 41:10, 13, ba beʼe wanema li ba wanofu-nofu daʼa:

• Hadia nifabuʼu Yehowa ba niha si fahuwu khönia?

• Moloʼö yaʼugö, hadia tola tobali si Fahuwu si sökhi khöda Yehowa? Hana wa öwaʼö zimane daʼö?

7. Enaʼö fahuwu ita khö Yehowa, moguna fahuhuo ita khönia

Na so darua zi fahuwu ba asese fahuhuo ira khö nawöra, itugu aro wahuwusara. Baso Zinunö 86:6, 11, ba beʼe wanema li ba wanofu-nofu daʼa:

• Hewisa lalada wahuhuosa khö Yehowa?

• Hewisa lala Yehowa ba wahuhuosania khöda?

RAHU-RAHU WAMAHAʼÖ

Omasi Yehowa na tobali ndraʼugö si Fahuwu khönia, ba ibeʼe khöu wanolo enaʼö ahatö ndraʼugö khönia.

Hadia Wamahaʼö si Tola Öhalö?

• Hewisa Yehowa ba wanolo niha si fahuwu khönia?

• Hadia mbörö wa iʼandrö Yehowa ba niha si fahuwu khönia enaʼö labulöʼö wangera-ngerara?

• Moloʼö yaʼugö, hadia abua lala enaʼö tobali ita si fahuwu khö Yehowa? Hana wa öwaʼö zimane daʼö?

ALUI NASA DANÖ BÖʼÖ

Hadia mbua nitemamö na fahuwu ndraʼugö khö Lowalangi?

”Ha Lowalangi Yehowa Zinangea Tehöngö” (Menara Pengawal, 15 Mbaŵa si Dua 2003, tehenaigö ba li Indonesia)

Hewisa enaʼö tobali ndraʼugö si fahuwu khö Lowalangi?

”Hewisa Enaʼö Tobali Ndraʼo si Fahuwu khö Lowalangi?” (Pertanyaan Kaum Muda—Jawaban yang Praktis, Jilid 2, faza 35, tehenaigö ba li Indonesia)

Baso waö-waö si no irai alua khö zi samösa ira alawe, hadia mbörö wa itugu sökhi waʼaurinia me no fahuwu ia khö Yehowa.

”Lö Omasido Mate!” (Manuriaigö No. 1 2017)

Fondrondrongo mbua gera-gera ndra si bohou ebua sanandrösa ba wahuwusara khö Yehowa.

Hadia Geluahania Fahuwu khö Lowalangi? (1:46)

6. Ba ginötö tebayagö idanö, ba daʼö faböbö ita tobali ösi nomo Yehowa

Ba ginötö tebayagö ita idanö, ba daʼö faböbö ita tobali ösi nomo sebua si hasara tödö ba zi sagörö ulidanö. Gofu hezo moroi mbanuada ba gofu hewisa lala waʼaurida ba zilalö, fagölö waʼafaduhu dödö niʼokhögöda ba tafaudugö waʼaurida moloʼö goi-goi Lowalangi. Baso Zinunö 25:14 hegöi 1 Fetero 2:17, ba beʼe wanema li ba wanofu daʼa:

• Me no tebayagö idanö zi samösa niha, hewisa gamakhaitania khö Yehowa hegöi ba niha tanö böʼö samosumange Yehowa?

2. Hewisa enaʼö tasöndra waʼohahau dödö ba waʼaurida iadaʼa?

Me iwöwöi ita Yehowa, no itanögö ba dödöda ba wangalui ”soguna ba wamati” enaʼö aboto ba dödöda haniha ia, ba ha yaʼia nifosumangeda. (Baso Mataiʼo 5:3-6.) Omasi ia na aro wahuwusada khönia, ’tatörö lalania, taʼomasiʼö ia’ ba ’tafosumange ia soroi ba dödöda’. (5 Moze 10:12; Sinunö 25:14) Na tafalua daʼö, tola taʼokhögö waʼomuso dödö sindruhu hewaʼae na so gabula dödöda. Na tafosumange Yehowa soroi ba dödö, itugu sökhi waʼaurida börö me taʼila wa no tafaudugö waʼaurida ba zomasi ia.