• ”Ufataro Khöra Samösa Gubalo”
    Tebohouni Wamosumange Satulö khö Yehowa!
    • Moyo solohe daha geu eresi.

      Moyo sebua si oföna yaʼia daʼö Nebukanesa razo Mbabilona (Faigi ngenoli si 6)

      6. Tutunö geluaha dahö-dahö andrö.

      6 Hadia geluaha dahö-dahö andrö? (Baso Hezekieli 17:11-15.) Me 617 SM, ifaʼuʼu Yeruzalema Nebukanesa razo Mbabilona (”moyo sebua” si oföna). Iheta dadaoma Yoyakhi razo Yehuda (ʼbadö-badö ndraha geuʼ) ba iʼohe daʼö ba Mbabilona (ʼbanua niha sogaleʼ). Aefa daʼö ifataro Zedekia (sambua moroi ba ”danömö zinanö ba mbanua daʼö”, yaʼia ngaʼötö razo) enaʼö tobali razo niha Yehuda ba Yeruzalema. No fahölu Zedekia ba döi Lowalangi wa lö faröi ia tobali razo barö wamatörö Nebukanesa. (2 Ng. 36:13) Hizaʼi, lö ifalua hölunia andrö. Mamadaö ia ba Mbabilona ba iʼandrö wanolo khö ndra saradadu moroi khö Waraʼo Miserai (”moyo sebua” si dua). Zaya-zaya gölö fefu daʼö. Lö omasi Yehowa khö Zedekia börö me faröi ia ba isawö hölunia. (Hez. 17:16-21) Ba gafuriata, lakalaisi Zedekia, lakuru ia ba Mbabilona ba mate ia ba daʼö.​—Yer. 52:6-11.