• Ono Mbanua Sanuriaigö​—⁠Laʼaohasi Gölöra Ira Sohalöwö
    Mamatörö Mbanua Lowalangi!
    • Samösa ndra matua, isöndra girö-girö si tobini ba mbenua

      Hulö simane faʼomuso dödö nirasoi niha sanöndra girö-girö si tobini, simanö göi waʼomuso dödö nirasoi niha Keriso me lasöndra zindruhu sanandrösa ba Mbanua Lowalangi (Faigi ngenoli si-20)

      20. Hewisa gamaedola nibeʼe Yesu sanandrösa ba girö-girö si tobini ba wangoromaʼö wa latema soloʼö khönia mene-mene wangofönaiʼö fangalui Banua Lowalangi?

      20 Iʼila Yesu hewisa dödö zoloʼö khönia ba wanemaʼö mene-mene sanandrösa ba wangofönaiʼö fangalui Banua Lowalangi. Faigi gamaedola sanandrösa ba wangalui girö-girö si tobini. (Baso Mataiʼo 13:44.) So samösa zohalöwö ba mbenua, isöndra girö-girö si tobini me mohalöwö ia, ba iʼila hawaʼebua mböli girö-girö daʼö. Hadia nifaluania? ”Ba waʼomuso dödönia andrö, ba möi ia, iʼamawa fefu hadia ia zi so khönia, ba iʼöli mbenua andrö.” Hadia wamahaʼönia khöda? Ba ginötö tasöndra zindruhu sanandrösa ba Mbanua Lowalangi ba taʼila hawaʼebua mbölinia, aoha gölöda ba wamalua gofu hadia ia enaʼö Banua Lowalangi andrö so ba nahia si tefaudu—taʼofönaiʼö ia ba waʼaurida.d

  • Ono Mbanua Sanuriaigö​—⁠Laʼaohasi Gölöra Ira Sohalöwö
    Mamatörö Mbanua Lowalangi!

    • d Ifatunö Yesu gamaedola si fagölö sanandrösa ba niha saniaga sangalui mani-mani sebua böli. Me no isöndra, ifamawa fefu gokhötania ba iʼöli mani-mani andrö. (Mat. 13: 45, 46) Si dombua amaedola andre zamahaʼö yaʼita wa tola taʼogunaʼö ngawalö lala enaʼö taʼila zindruhu sanandrösa ba Mbanua Lowalangi. Tola manö so zalio manöndra; ba tanö böʼönia awena laʼalu-alui. Hewaʼae simanö, aoha gölöda ba wangofönaiʼö Banua Lowalangi ba waʼaurida.