4. Böhöli wamalua amuata si raʼiö

Na asese moroko ndraʼugö mazui öʼogunaʼö narkoba, te aboto ba dödöu wa abua sibai wamöhöli si toʼölö öfalua andrö. Hadia zi tola manolo yaʼugö? Angeragö hadia lua-luania. Baso Mataiʼo 22:37-39, ba tutunö hadia lua-luania ba zi samösa niha na moroko ia, iʼa mbago mazui na ibadu narkoba . . .

• ba wahuwusania khö Yehowa.

• ba nösi nomonia mazui ba niha si so ba zi fasuinia.

Angeragö hadia manö zi tola öfalua ba wamöhöli ngawalö zi raʼiö si toʼölö öfalua.a Futa VIDEO.

VIDEO: Forege ba Wangokhögö Fanaha Tödö (2:47)

Baso Wilifi 4:13, ba beʼe wanema li ba wanofu daʼa:

• Na asese mangandrö zi samösa niha, ifahaʼö ia ba Zura Niʼamoniʼö ba möi ia ba gangowuloa, hana wa tola möi fangabölönia daʼö ba wamöhöli ngawalö zi raʼiö si toʼölö ifalua?

5. Timbagö wangera-ngera hegöi si raʼiö si toʼölö öfalua

Baso Kolose 3:5, ba beʼe wanema li ba wanofu-nofu daʼa:

• Hezo tola taʼila wa pornografi, sextingb hegöi masturbasi no amuata si raʼiö daʼö ba wamaigi Yehowa?

• Moloʼö yaʼugö, hadia tola tarorogö enaʼö lö raʼiö wangera-ngerada, fehede hegöi amuatada simane niʼandrö Yehowa? Hana wa öwaʼö zimanö?

Hewisa wolawada fangera-ngera si raʼiö? Futa VIDEO.

VIDEO: Halö Gangetula Enaʼö Lö Raʼiö Ndraʼugö (1:51)

So sambua gamaedola nitutunö Yesu sangoromaʼö wa moguna sibai taʼaliokö wangai angetula enaʼö lö raʼiö ita ba wangera-ngera, fehede hegöi ba gamuata. Baso Mataiʼo 5:29, 30, ba beʼe wanema li ba wanofu daʼa:

• Tenga daʼö geluaha niwaʼö Yesu enaʼö tafaʼala ita, hizaʼi moguna taʼanemaiʼö wangai angetula. Hadia gangetula si lö tola löʼö ihalö si samösa niha ba wolawa fangera-ngera si raʼiö?c

Na öforege ba wolawa fangera-ngera si raʼiö, lö olifu Yehowa nifaluamö andrö. Baso Zinunö 103:13, 14, ba beʼe wanema li ba wanofu daʼa:

• Na öforege ba wolawa ngawalö zi raʼiö si toʼölö öfalua, hewisa wa möi fanolomö ayati daʼa enaʼö lö awuwu ndraʼugö?

Böi awuwu!

Na ifuli adöni dödömö ba ngawalö zi raʼiö si toʼölö öfalua ba zilalö, tola manö afatö dödöu ba öwaʼö wa lö saʼae eluaha nifaluamö andrö. Hizaʼi, tandraigö angeragö daʼa: Tola manö manendre ba alabu zi samösa si fagohi. Hewaʼae simanö, tenga daʼö geluahania wa kala ia ba watandrisa andrö. Lö göi moguna ifuli ia furi ba wamörögö fatandrisa daʼö. Simane daʼö göi na ifuli itörö tödömö ba wamalua amuata si raʼiö, tenga daʼö geluahania wa no ikalaisi ndraʼugö amuata si raʼiö andrö. Tenga göi daʼö geluahania wa zaya-zaya gölö zi no öfalua ba zilalö. Na so zi samösa niha somasi mamöhöli amuata si raʼiö, sinangea na ifuli adöni dödönia wamalua daʼö. Hizaʼi, böi awuwu ndraʼugö! Börö wanolo moroi khö Yehowa, tola öböhöli gamuata si raʼiö andrö.

6. Tola öböhöli wamadu-madu tuo

VIDEO: ’Alangu Dödögu Waʼaurigu’ (6:32)

• Ba video andrö mege, hadia nifalua Dmitry na no mabu ia?

• Hadia tola iʼanemaiʼö iböhöli wamadu-madu tuo?

• Hewisa wa tola iböhöli ba gafuriata wamadu-madu tuo?

Baso 1 Korindro 6:10, 11, ba beʼe wanema li ba wanofu-nofu daʼa:

• Hadia niwaʼö Zura Niʼamoniʼö sanandrösa ba wemabu-mabu?

• Hadia zangoromaʼö wa tola iböhöli si samösa niha wamadu-madu tuo?

Baso Mataiʼo 5:30, ba beʼe wanema li ba wanofu daʼa:

• Ba ayati daʼö, fanaba tanga eluahania so nitehegöda enaʼö tola taʼomusoiʼö dödö Yehowa. Na simanö, hadia zi tola öfalua na omasiʼö öböhöli wamadu-madu tuo?a

Baso 1 Korindro 15:33, ba beʼe wanema li ba wanofu daʼa:

• Hadia lua-luania na fariawö ndraʼugö ba niha samadu-madu tuo?