”Hadia Niʼosambuaʼö Lowalangi . . . ”

Moloʼö Oroisa Moze, na so ndra matua somasi fabali khö woʼomonia, moguna ihaogö zura wabalisa. Mufalua daʼö enaʼö böi alio-lio fabali zi no mongambatö. Hewaʼae simanö, ba götö Yesu aoha khö ndra sondröniaʼö ba agama ba wanehegö fabalisa. Tola manö laʼalui lala ira matua enaʼö fabali ira khö woʼomora. (Keterangan tambahan nwtsty untuk Mrk 10:4, 11) Itutunö Yesu wa Yehowa zotatugöi ba samörögö fongambatö. (Mrk 10:2-12) Tebai mufabali woʼomo ira matua ba foʼomo ira alawe börö me ”ha sambua boto” ira. Moloʼö Sura Niʼamoniʼö ha sambua dani wa tola fabali zi sambua fongambatö yaʼia daʼö ”börö wohorö”.​—Mat 19:9.

Iadaʼa, ato niha zangokhögö lala wangera-ngera ndra Farizaiʼo sanandrösa ba wongambatö, tenga lala wangera-ngera Yesu. Laʼanemaiʼö fabali na alua khöra gabula dödö. Niha Keriso si no mongambatö, laforege ba wangasiwai abula dödö ba laʼoʼö goi-goi Zura Niʼamoniʼö börö me tenga si famai-mai mbuʼusa li ba wongambatö. Na no aefa öfaigi video Faʼomasi hegöi Fangosinangegö, Möi Fangosambuaʼö Nösi Nomo, beʼe wanema li ba wanofu-nofu daʼa:

• 

  Hewisa wamaluamö mene-mene si so ba Gamaedola 15:1 ba wongambatömö, ba hana wa moguna sibai daʼö?

• Hewisa Gamaedola 19:11 möi fanolomö ba wanimbagö abula dödö?

• Na arakhagö tekiko wongambatöu, hadia wanofu sinangea öʼangeragö moroi na öʼera-era enaʼö fabali ami?

• Hewisa wa tola tobali ndraʼugö foʼomo si sökhi na öfalua mene-mene si so ba Mataiʼo 7:12?