Satua, Beʼe Zabölö Sökhi ba Ndraonomi Enaʼö Tola Mofozu Ira

Satua samosumange Lowalangi, omasi göi ira na lö faröi ndraonora ba wamosumange Yehowa. Daʼö mbörö wa moguna khö ndra satua ba wotanögö ba dödö ndraonora wamahaʼö moroi ba Zura Niʼamoniʼö iʼotarai ba waʼide-idera. (5Moz 6:7; Gamd 22:6) Hadia so zinangea latehegö ira satua? Tatu manö! Hizaʼi, hasambalö oya mbua nitemara.​—3Yoh 4.

Satua, tola lafahaʼö ira ba duma-duma Yosefo hegöi Maria. ’Ero röfi möi ira ba Yeruzalema ba wangowasaini Owasa Fasa’, hewaʼae oya wamorege hegöi kefe niʼogunaʼöra. (Luk 2:41) Hizaʼi, omasi Yosefo hegöi Maria na ahatö nösi nomora khö Yehowa. Iadaʼa, tola göi latolo ndraonora ira satua enaʼö mofozu waʼaurira ba zi so miföna. Lalania yaʼia daʼö, moguna laʼogunaʼö fefu ginötö si so ba wamomaha iraonora moroi ba wehede hegöi nifaluara.​—Zin 127:3-5.

FAIGI VIDEO LAʼOGUNAʼÖ GINÖTÖ SI SO, BA BEʼE WANEMA LI BA WANOFU-NOFU DAʼA:

• Hewisa Jon hegöi Sharon Schiller wangofönaiʼöra halöwö khö Yehowa ba wangebua-buaʼö iraonora?

• Hana wa moguna ifaudugö satua ba wameʼe degu-degu moloʼö soguna ba ndraonora zamösana?

• Hewisa zatua wamaʼanö iraonora ba wanaögö fanandraigö ba wamati?

• Hadia manö fakake si no ihenaigö organisasi Yehowa, niʼogunaʼömö ba wanolo iraonomö enaʼö itugu tedou ira ba wamati?