• Omasi Yehowa Niha ’Sowua Irege Anau Gölö’
    Manuriaigö—2018 | Mbaŵa si Lima

    • 3. Hadia tölu wanofu-nofu nitutunöda, ba hadia mbörö?

      3 So tölu wanofu-nofu nitutunöda ba wamahaʼö daʼa: Hana wa itaria ide-ide dödöda? Hadia geluahania mowua? Hadia zi tola manolo yaʼita enaʼö mowua irege anau gölö? Na taʼila wanema li ba wanofu daʼa, tola anau gölöda ba wamalua halöwö fanuriaigö si no ibeʼe khöda Yesu.

      HANA WA ITARIA IDE-IDE DÖDÖDA?

  • Omasi Yehowa Niha ’Sowua Irege Anau Gölö’
    Manuriaigö—2018 | Mbaŵa si Lima

    • 7. (a) Ba gamaedola nibeʼe Yesu, haniha niʼamaedolagö ’sohalöwö’, ’töla nagu’, ba ’daha’? (b) Hadia wanofu sinangea tabeʼe fanema li?

      7 Baso Yohane 15:1-5, 8. Ba gamaedola daʼa, itutunö Yesu wa Yehowa ”zohalöwö”, Yesu samösa ”döla nagu”, ba ira nifahaʼönia zi tobali ’daha’.b (Faigi nisura ba gahe zura.) Aefa daʼö, imane Yesu khö ndra sinengenia, ”Tefolakhömi Namagu na lö tebulö waʼoya mbuami ba miforomaʼö wa nifahaʼögu ami.” Na simanö, hadia geluahania mowua? Ba gamaedola nibeʼenia, lö nifatunö Yesu hadia mbua geu andrö hizaʼi ibeʼe khöda wanuturu lala enaʼö taʼila wanema li ba wanofu daʼö.

      8. (a) Ngawua wehede ”mowua” ba gamaedola Yesu, hadia daʼö geluahania enaʼö tatolo niha irege tobali nifahaʼö Yesu? (b) Hadia zindruhunia niʼandrö Yehowa khöda?

      8 Imane Yesu sanandrösa khö Namania, ”Itiboʼö fefu ndraha si lö mowua.” Eluahania, tola tobali ita samosumange Yehowa ha na mowua ita. (Mataiʼo 13:23; 21:43) Ba gamaedola daʼa, mowua andre tenga daʼö geluahania wa tabaliʼö niha tobali nifahaʼö. (Mataiʼo 28:19) Na daʼö geluahania, tola muʼamaedolagö ndra Samaduhuʼö si lö faröi tobali daha si lö mowua börö me lö aʼozu ira ba wanolo niha irege tobali nifahaʼö Yesu. Tatu lö tefaudu daʼö! Hadia mbörö? Börö me tebai tafaso niha enaʼö tobali ira nifahaʼö. Yehowa andrö no faʼomasi. Lö irai iʼandrö khöda zi tebai tafalua, ha si tola tafalua.​—5 Moze 30:11-14.

      9. (a) Hewisa enaʼö tola mowua ita? (b) Hadia gamaedola nitutunöda aefa daʼa?

      9 Na simanö hadia geluaha mowua? Daʼö halöwö si tola tafalua maʼafefu. Hadia halöwö nibeʼe Yehowa ba nono mbanuania maʼafefu? Manuriaigö turia somuso dödö sanandrösa ba Wamatörö Lowalangi.c (Faigi nisura ba gahe zura.) (Mataiʼo 24:14) Oroma daʼö ba gamaedola Yesu sanandrösa ba zamazaewe tanömö. Datatutunö gamaedola daʼö.