• ”Niha si Toʼölö Manö ba si Lö Sekola”
    ’Haogö Wamaduhuʼö Sanandrösa ba Wamatörö Lowalangi’

    • 18. Hadia nifalua mbanua niha Keriso ba Yeruzalema khö nawöra zamösana?

      18 Banua niha Keriso sawena tefasindro ba Yeruzalema andrö, alio sibai waʼatedounia irege töra 5.000 niha.d Hewaʼae no faböʼö-böʼö soira, hizaʼi so ’wahasara dödö khö ndra nifahaʼö andrö ba ha sambua gera-erara’. (Hal. 4:32; 1 Ko. 1:10) Tenga ha asala mangandrö ndra nifahaʼö enaʼö ifahowuʼö nifaluara Yehowa, hizaʼi faoma latolo nawöra, he ba wamati mazui soguna bongi maʼökhö. (1 Yo. 3:16-18) Duma-dumania, so samösa nifahaʼö sotöi Yosefo, asese lakaoni ia Baranaba ira sinenge, ifamawa danönia ba iʼamualagö fefu daʼö ba wanolo ira talifusö moroi ba soi sagaröu enaʼö ara toröi ira ba Yeruzalema, ba oya lafahaʼö ira ba waʼaboto ba dödö si bohou sanandrösa ba wamatira.