”Lö Awuwu Ita”

4:16-18

Khalaigö so dombua wongambatö si falazi omo. Abölö-bölö waʼatekiko nomora. Fongambatö siföföna, abu sibai dödöra ba no sinangea daʼö. Hizaʼi, fongambatö si dua, laʼokhögö waʼomuso dödö. Hadia mbörö? Börö me lö ara tö findra ira ba nomo si bohou.

Sindruhu sa ”wa oi mangarö-ngarö fefu niwöwöi Lowalangi ba lataögö waʼafökhö”, hizaʼi so wanötöna ba nono mbanua Lowalangi irege tola anau gölöra. (Rom 8:22) Gofu hadia gabula dödöda, hewaʼae no ngafulu fakhe tefakao ita, fefu daʼö ’lö abölö-bölö ba lö arara’ na takhalaigö ia faoma faʼauri si lö aetu ba gulidanö si bohou khö Lowalangi. Na lö aetu taʼangeragö howu-howu Wamatörö Lowalangi ba zi so miföna, lö tebulö so khöda waʼomuso dödö ba lö awuwu ita.