-
Hewisa Enaʼö Ösöndra Waʼohahau Dödö ba Wongambatö?—Faosatö1Lala ba Wanöndra Faʼohahau Dödö Sagötö Faʼara!—Famahaʼö ba Zura Niʼamoniʼö
-
-
Lö hadöi fongambatö soʼahonoa. Börö daʼö, moguna falulu fohalöwö woʼomo ira matua hegöi ira alawe ba wangasiwai abula dödö salua ba wongambatöra. Futa VIDEO, ba beʼe wanema li ba wanofu-nofu daʼa:
Hadia manö zangoromaʼö wa foʼomo ira matua hegöi ira alawe si so ba video andrö mege, tenga simane me mböröta waʼahatöra khö nawöra?
Hadia manö nifaluara enaʼö aro wongambatöra?
Baso 1 Korindro 10:24 hegöi Kolose 3:13, ba beʼe wanema li ba wanofu daʼa na no aefa öbaso ero sambua ayati:
Na foʼomo ira matua hegöi ira alawe lafalua mene-mene si so ba ayati daʼa, hadia mbuania ba wongambatöra?
Ifarou ita Sura Niʼamoniʼö enaʼö faoma tafosumange nawöda. Eluahania, tahaogö gamuatada ba niha böʼö ba taʼameʼegö tödö ira. Baso Roma 12:10, ba beʼe wanema li ba wanofu-nofu daʼa:
Haniha zi oföna mamosumange, foʼomo ira matua mazui foʼomo ira alawe? Hana wa öwaʼö zimanö?
-
-
Rorogö Wahasara Dödö ba Mbanua Niha KerisoLala ba Wanöndra Faʼohahau Dödö Sagötö Faʼara!—Famahaʼö ba Zura Niʼamoniʼö
-
-
3. Hadia nifaluamö na fatiti ndraʼugö khö zi samösa talifusöda?
Sindruhu sa, so khöda wahasara dödö, hizaʼi lö moʼahonoa ita. Itaria afatö dödö niha böʼö mazui afökhö dödöra tabeʼe. Andrö wa iʼamenesi ita Taromali Lowalangi, ”Böi tebulö . . . miʼefaʼö zala nawömi . . . simane fangefaʼö Yehowa salami soroi ba dödö, mifalua göi zimane daʼö.” (Baso Kolose 3:13.) Asese taʼafökhöiʼö dödö Yehowa. Hizaʼi, lö tebulö iʼefaʼö zalada. Omasi göi ia na lö mamalö taʼefaʼö zala ndra talifusöda. Na öʼila so zabao dödö niha böʼö khömö, alui lala ba wangasiwai daʼö enaʼö atulö ami.—Baso Mataiʼo 5:23, 24.b
-
-
Rorogö Wahasara Dödö ba Mbanua Niha KerisoLala ba Wanöndra Faʼohahau Dödö Sagötö Faʼara!—Famahaʼö ba Zura Niʼamoniʼö
-
-
5. Taʼefaʼö zala ndra talifusöda soroi ba dödö ba taforege enaʼö atulö ita khöra
Lö moguna khö Yehowa wangefaʼö sala moroi khöda. Hewaʼae simanö, lö tebulö iʼefaʼö zalada soroi ba dödönia. Baso Zinunö 86:5, ba beʼe wanema li ba wanofu-nofu daʼa:
Moroi ba ayati daʼa, hadia wamahaʼö nihalöda sanandrösa khö Yehowa?
Hana wa öʼandrö sibai saohagölö börö me lö mamalö iʼefaʼö zalamö Yehowa?
Hadia manö zalua irege abua khöda ba wondrorogö faʼatulö ba niha böʼö?
Hewisa woloʼöda Yehowa hegöi ba wondrorogö fahasara dödö khö ndra talifusöda? Baso Gamaedola 19:11, ba beʼe wanema li ba wanofu-nofu daʼa:
Na so zangafökhöiʼö tödömö, hadia nifaluamö enaʼö ifuli atulö ami?
Itaria göi taʼafökhöiʼö dödö niha böʼö. Na simane daʼö zalua, hadia nifaluamö? Futa VIDEO, ba beʼe wanema li ba wanofu-nofu daʼa:
Ba video andrö, hadia nifalua dalifusöda ira alawe enaʼö tola atulö ira?
-