FAʼAURI NIHA KERISO
Fosumange Ndra Alawe Simane Inamö mazui Talifusömö
Iwaʼö Sura Niʼamoniʼö wa moguna tafosumange ndra talifusöda salawa döfi simane ama hegöi inada, ba talifusöda ira alawe sawuyu döfi simane gaʼada hegöi akhida. (Baso 1 Timoteo 5:1, 2.) Moguna sibai mene-mene daʼa, mendrua manö khö ndra talifusöda ira matua.
Tebai igadu-gadu dalifusöda ira alawe si samösa talifusöda ira matua, mazui ifalua hadia ia zanayaigö faʼohahau dödö dalifusöda ira alawe andrö. (Yob 31:1) Na lö adöni dödö dalifusöda ira matua si lö sangowalu khö zi samösa talifusöda ira alawe, tebai iforomaʼö wa hulö so khönia waʼedöna. Na ifalua daʼö, no ibaliʼö mai-mainia dalifusöda ira alawe.
Na so samösa dalifusöda ira alawe samaʼema fanofu mazui bua gera-era sanandrösa ba zi sambua abula dödö, moguna laʼameʼegö tödö daʼö ira satua sokubaloi. Baero daʼö, moguna göi laʼameʼegö tödö ndra talifusöda si no tobali lakha mbanua.—Rut 2:8, 9.
FAIGI VIDEO FOROMAʼÖ WAʼOMASI SI LÖ FARÖI BA MBANUA NIHA KERISO—KHÖ NDRA LAKHA MBANUA HEGÖI SI LÖ AMA, BA BEʼE WANEMA LI BA WANOFU-NOFU DAʼA:
Hewisa lala ndra talifusöda ba wangoromaʼö faʼomasi soroi ba dödö khö dalifusöda Myint?
Me laʼila waʼomasi niforomaʼö ndra talifusöda, hadia lua-luania ba niha si toröi ba mbanuania?
Me laʼila waʼomasi niforomaʼö ndra talifusöda, hadia lua-luania ba ndraono Myint?
Hadia manö zi tola öfalua ba wangoromaʼö faʼomasi khö ndra talifusöda ira alawe ba mbanua niha Keriso?