FAOSATÖ 2
Haniha Lowalangi Sindruhu?
Ha samösa Lowalangi sindruhu, Töinia Yehowa. (Sinunö 83:18) Yaʼia Boto Eheha; tebai taʼila ia. Iʼomasiʼö ita ba itötöna göi taʼomasiʼö ia. Ba omasi ia göi na taʼomasiʼö nawöda. (Mataiʼo 22:35-40) Yaʼia Wondrege Zabölö, Somböi fefu hadia ia.
Siaʼa nifazökhi danga Lowalangi yaʼia daʼö boto eheha sabölö, töinia Yesu Keriso. Ba ifazökhi göi ndra malaʼika tanö böʼö Lowalangi.
Ifazökhi fefu hadia ia Yehowa ba zorugo . . . hegöi ba gulidanö. Famaʼeleʼö 4:11
Lowalangi Yehowa samazökhi ndröfi ba ulidanö awö nösinia maʼafefu.—1 Moze 1:1.
Niha siföföna nifazökhi Lowalangi yaʼia daʼö Adamo, moroi ba gawu-gawu.—1 Moze 2:7.