Tutunö Duria Somuso Dödö
(Famaʼeleʼö 14:6, 7)
1. No ara lö teʼombakhaʼö zi ndruhu.
Maʼuwu nifabuʼu teʼoromaʼö.
Omasi ba ahakhö dödö Yehowa,
Iʼameʼegö tödö wamakao niha.
Ohitönia enaö mamatörö Yesu;
Na inötö tumbu sa wamatörönia.
Ibeʼe khö Nononia niʼowalu,
Ngawawa si lö atoto solakhömi.
2. Turia somuso dödö tefaʼeleʼö.
Wangombakha ohitö dödö Yehowa.
Fao ndra malaʼika omuso dödöra,
Ba wangombakha Banua Lowalangida.
Halöwö solakhömi nifaluada
Tasuno ia dataʼamoniʼö döinia.
Me Samaduhuʼö khö Yehowa ita,
Omusoiʼö dödömö wanuriaigö.
(Faigi göi ba Mrk. 4:11; Hal. 5:31; I Kor. 2:1, 7.)