KOTAK FAMAHAʼÖ 21A
”Mufasambua” Danö si Tobali Tolo-Tolo
Tafao khö Hezekieli ba wamasui si sagörö tanö si no ifasambua Yehowa. No mubagi lima danö daʼa. Hadia manö daʼö? Ba hadia manö gunania?
A. Tanö si Tobali Tolo-Tolo
Muʼogunaʼö tobali nahia ba wamakhoi lala halöwö mazui mufotöi ia tanö administratif.
B. ”Fefu Danö Nibaliʼö Tolo-Tolo”
Mufasambua daʼö tana khö ndra ere, niha Lewi hegöi banua nifotöi ”So Yehowa ba Daʼö”. Iraono Gizaraʼeli si 12 mado, möi ira ba mbanua daʼa ba wamosumange Yehowa hegöi ba wotuhini fefu lala halöwö nifalua ba daʼö.
C. ”Tana khö Ndra Sondröniaʼö”
”Daʼö zi tobali okhötania ba Gizaraʼeli.” ”Okhöta zondröniaʼö daʼö.”
D. ”Tolo-Tolo Niʼamoniʼö”
Mufotöi göi nahia daʼa ”tana niʼamoniʼö”. Tanö yawa mufasambua daʼö ba ”niha Lewi.” ”Teʼamoniʼö danö” andrö. Tanö ba gotalua, daʼö ”tolo-tolo niʼamoniʼö nibeʼe khö ndra ere”. ”Ba daʼö so nomora hegöi naha niʼamoniʼö ba gosali.”
E. ’Tanö si Töra’
”Daʼa gokhöta ndraono Gizaraʼeli maʼafefu”. ’Tobali tanö si toʼölö danö andrö, ba mubaliʼö ia naha nomo hegöi benua soduʼu.’