Hadia Niwaʼö Zura Niʼamoniʼö?
Hadia ifondro-ndrongo fefu wangandrö Lowalangi?
HADIA ÖMANE TÖDÖU WA IFONDRO-NDRONGO WANGANDRÖ . . .
Fefu niha
Mato hadauga niha
Samösa löʼö
HADIA NIWAʼÖ ZURA NIʼAMONIʼÖ
”No ahatö Yehowa, ba zi angaröfi li yaʼia, fefu . . . soroi ba dödö.”—Zinunö 145:18.
HADIA NASA NIFAHAʼÖ ZURA NIʼAMONIʼÖ?
Lö ifondro-ndrongo Lowalangi fangandrö niha solawa yaʼia. (Yesaya 1:15) Hizaʼi, tola atulö ira khönia na labulöʼö gamuatara.—Yesaya 1:18.
Awena ifondro-ndrongo Lowalangi wangandrö zi samösa niha na ifaudugö waʼaurinia ba gamakhoitania si so ba Zura Niʼamoniʼö. —I Yohane 5:14.
Hadia no mutatugöi hewisa wetaroda na mangandrö?
SO ÖSA ZI FADUHU TÖDÖ wa moguna latuhi tou danö, lafaköʼu högöra, mazui lafatahö dangara ba ginötö lalau mangandrö. Hewisa moloʼö yaʼugö?
HADIA NIWAʼÖ ZURA NIʼAMONIʼÖ
He na ”mudadao” mazui ’musindroʼ mazui ’lafalögu ira tou ba danö’ mazui ’labalöduhini tou zalo’ na mangandrö ira, hasambalö ifondro-ndrongo Lowalangi wangandröra. (I Ngaʼötö 17:16; II Ngaʼötö 30:27; Gesera 10:1; Halöwö Zinenge 9:40) Lö nitatugöi Lowalangi hewisa wetaroda na mangandrö ita.
HADIA NASA NIFAHAʼÖ ZURA NIʼAMONIʼÖ?
Ifondro-ndrongo Lowalangi niha zangide-ngideʼö yaʼia.—Zinunö 138:6, Terjemahan Dunia Baru.
Tola mangandrö ndraʼugö ba ngawalö li mazui ölau mangandrö bakha ba dödö.—II Ngaʼötö 6:32, 33; Nehemia 2:1-6.