Enaʼö Onekhe Ita ba Wanuriaigö​—Ogunaʼö Mbuku ”Tetaplah Berada dalam Kasih Allah” ba Wamarou Tödö hegöi Fangera-ngerara

HANA WA MOGUNA: Moguna tefahaʼö niha ba goi-goi Yehowa, ba lafaudugö lala wamosumange nifaluara ba zomasi Yehowa. (Yes 2:3, 4) Buku ”Kasih Allah” no buku si dua niʼogunaʼö ba wamahaʼö niha nifahaʼöda. Daʼa zanolo yaʼia enaʼö aboto ba dödönia hewisa wa moʼamakhaita ba waʼaurida si ero maʼökhö goi-goi Lowalangi. (Heb 5:14) Moguna tafarou dödö hegöi fangera-ngerara ba ginötö tafahaʼö ira irege daʼa zamarou yaʼira ba wombulöʼö faʼaurira.—Rom 6:17.

LALA WAMALUA:

• Tahaogö tafaʼanö ita, taʼangeraigö zoguna ba niha nifahaʼöda. Ogunaʼö wanofu sadöni dödö enaʼö öʼila hadia niʼangeraigönia ba nirasoinia sanandrösa ba wamahaʼö andrö.—Gamd 20:5; be-IN 259

• Ogunaʼö kotak si so ba mbuku andrö ba wanolo niha nifahaʼömö hadia gunania na iʼaurifagö goi-goi Zura Niʼamoniʼö

• Tolo niha nifahaʼömö enaʼö iʼangeraigö ngawalö soʼamakhaita ba dödö side-ide, hizaʼi böi yaʼugö zangai angetula khönia.—Gal 6:5

• Faigi si fao faʼatua-tua hadia moguna ötolo niha nifahaʼömö ba wamalua goi-goi Zura Niʼamoniʼö. Si fao faʼomasi, farou dödönia enaʼö ibulöʼö gamuatania si teʼodane-dane ba waʼomasinia khö Yehowa.—Gamd 27:11; Yoh 14:31