Ke Fiafia e Moui Tukulagi ke he Lalolagi!

Kua lomi e tohi nei ke fakamaama kia koe ko hai ne taute e lalolagi mo e tau mena oti kua ha ha i ai. To iloa foki e koe ko e Atua, ne taute e ia e lalolagi, mena fai higoa. To pihia foki ni to fakamaama atu e mautolu ko e ha ne taute ai he Atua e tagata mo e ke moua fefē e koe e moui tukulagi ke he lalolagi.

Kua amaamanaki foki a mautolu ko e loga he tau fakatino ke fakamaama atu kia koe e kitiaaga fakamitaki he tau mena nei. Ke aoga lahi mahaki ke moua mai ai, kua lata ke totou e koe e tau mata kupu Tohi Tapu kua fakakite fakalataha mo e tau fakatino oti. Ko e puhala ia, to maeke ia koe ke totou e loga he tau maveheaga mitaki mai he Atua kua to-hia ke he Tohi Tapu mo e tau mena kua fioia he Atua ke taute e koe ke moua e fakamooliaga he tau maveheaga nei.

Kua lata foki ia koe ke manako e fakaaoga he tohi nei ke lagomatai aki e falu a tagata. Ka eke kua fai fanau a koe, kua lata ke fakaaoga e koe ke lagomatai aki a lautolu ke iloa e Atua. Ka eke kua nofo a koe ke he motu kua tokologa a lautolu kua momotua kae nakai iloa ke totou, kua lata ia koe ke fakaaoga e tau fakatino ke eke mo lagomataiaga e tau fakatokaaga he tau fekau he Atua, ti maeke ia lautolu, he mogoia, kua lata ke lagomatai atu ha lautolu a tau tuuta kaina.

Kua fakamooli mo e amaamanaki a mautolu ko e kumikumiaga he tau fakamatalaaga nei to hafagi atu kia koe e puhala ke moua e tau monuina loga, to pihia foki ke fakakite atu ke he falu ke maeke ke nonofo tukulagi ke he lalolagi nei.