“Moua Oti Haku A Tau Mena Ne Manako”

KO E fakaatukehe, kua talahau he World Health Organization, kua fuafua he vaha nei ke haofia ai ke 120 e miliona tagata he lalolagi. He tau tau takitaha, kua taha e miliona tagata kua folau mo e kua 10 po ke 20 e miliona kua lali ke fakahiku e tau momoui ha lautolu. Ko e heigoa ke lagomatai aki a lautolu ne mamahi mai he gagao fakaatukehe? Kia maeke he tau tuluiaga fakaekekafo ke palalaua e mamahi, mo e aoga lahi e tau manamanatuaga atihake. Mua atu, ke he falu ne tupu ki ai e tau logonaaga pihia kua moua e lagomataiaga mai he falu tohi aoga he Tau Fakamoli a Iehova ne fakave ke he Tohi Tapu, tuga ne fakakite he tohi mai i Falani.

“Nakai leva ia e tau magaaho ne mole, ne nakai kitia e au e kakano ke he mouiaga. Ne liogi a au ke he Atua ke toka la au ke mate. Tuga ne kua mate a au ki loto ia au. Kumikumi ai e haoaga, ne liogi fakamakamaka a au ki a Iehova. Mo e kamata foki a au ke totou e 2002 Yearbook of Jehovah’s Witnesses ti fakaoti ai ke tolu e aho. Ke tala atu e au, kua fakamalolo lahi ai a au mo e ati hake e tua haku.

“Ne kumikumi a au ke he tau mekasini Kolo Toko mo e Awake!, mo e ofo ha ai au! Kua totou mau tuai e au e tau mekasini nei ke molea e 15 e tau tau, ka e nakai mailoga e au e mafanatia mo e ati hake he tau tala ne ha ha i ai. Kua puke ai he tau mahani fakaalofa—ko e mahani ne hogeia he vaha nei. Ati kua moua oti haku a tau mena ne manako.”

Kua talahau e Tohi Tapu: “Kua tata mai a Iehova kia lautolu kua loto malipilipi; kua fakamoui foki e ia a lautolu kua loto pehia.” (Salamo 34:18) Ko e moli ni, ki a lautolu oti “kua loto malipilipi” po “kua loto pehia” ne maeke ke moua e fakamaloloaga mo e amaamanakiaga anoiha ke he Tohi Tapu. Ne moua mai he Tau Fakamoli a Iehova e tau tohi fakave ke he Tohi Tapu ke lagomatai aki a lautolu kua manako ke he malolo he punaaga mafanatia mai he agaga he Atua.