Ko e Tama Fifine Tote ne Fakamokoi

NAKAILA leva, ko e tama fifine hiva tau i Parasili ne manako na ia ke vevehe ua e tupe haana ne fakaputu—ko e 18 e talā mo e 25 e talā. Ne tuku e ia e vala tote he puha mena fakaalofa he Fale he Kautu he matakavi ke lagomatai aki e tau tupe fakamole he fakapotopotoaga. Ti ta atu e ia e vala lahi ke he la ofisa he Tau Fakamoli a Iehova fakalataha mo e tohi kū. Ne pehē e tohi haana: “Loto au ke foaki e tupe nei ma e gahua he lalolagi katoa. Kua manako au ke lagomatai e tau matakainaga tokologa he lalolagi katoa ke fakamatala e tala mitaki. Atu e au mai he loto hofihofi mo e fakaalofa lahi ki a Iehova.”

Ko e tau matua he tama fifine tote, ne fakaako ki a ia e aoga he foaki fakatagata ke he gahua fakamatala he Kautu. Kua omoomoi foki e laua ki a ia e lata ke ‘fakalilifu kia Iehova mo e haana a tau koloa.’ (Fakatai 3:9) Ke tuga e tama fifine tote ia, kia fakamakutu a tautolu oti ke fakalaulahi atu e tau mena he Kautu, he matakavi mo e lalolagi katoa!