Tau Fakailoaaga

◼ Tau tohi ke fakaaoga ia Tesemo: New World Translation mo e tohi The Bible​—God’s Word or Man’s? Ianuari mo Fepuari: Ko e Kupu Mooli ke Takitaki Atu ai ke he Moui Tukulagi mo e tau Tuleke. Mati: Iloilo ne Takitaki Atu ke he Moui Tukulagi. Kia fatuaki ke kamata e tau fakaakoaga Tohi Tapu he kaina.

◼ Kia kamata e tau fakapotopotoaga ke ole e tau volume he The Watchtower mo e Awake! ma e 1997 fakalataha mo e ole ha lautolu ma e tau tohi ma Tesemo. (Kikite Watchtower Publications List, paratafa 21.) To moua e tau volume he tau vagahau Italia, Falani, Heleni, Holani, Korea, Koroatia, Peritania, Polani, Potukala, Romania, Rusia, Saina, Sapani, Sepania, Sihamani, mo Tuake. Ato moua e tau volume kili mao mo e to taute e tau fakatokatokaaga, to kitia ai e tau mena nei ko e “Fakatali” he tau laupepa fafao he fakapotopotoaga. Ko e tau tohi ota pauaki e tau volume kili mao.

◼ Kia tivi he fekafekau leveki po ke taha tagata ne kotofa e ia e tau fakamauaga tupe he fakapotopotoaga he Tesemo 1 po ke taute tuai ai. Fakailoa ai ke he fakapotopotoaga ka oti e mena nei he taute.

◼ To hoko e Fakamanatuaga ma e 1999 he Aho Tuloto, Aperila 1, he to la. Kua foaki tuai e fakailoaaga nei ke fakatokatoka po ke tauteute he tau matakainaga tane e tau fale kaeke ke loga lahi e fakapotopotoaga ne fakaaoga e Fale he Kautu mo e lata ke moua foki falu fale. Kia fai fakamoliaga e tau motua mo e tau pule he fale ke nakai fai hoha mai he falu matagahua i loto he fale ke holo mafola ai e Fakamanatuaga mo e he puhala maopoopo. Ha ko e magaaho uho a ia, ti ka kotofa e tagata lauga he Fakamanatuaga, kia fifili he kau he tau motua taha mai he tau motua ne kua latatonu ka e aua neke fehikifano noa ni po ke fakaaoga ni e matakainaga mai he tau tau takitaha.

◼ Tau Autiokasete Moua Fou:

Faka-Peritania: Ko e Mena Galo he Fiafia he Magafaoa (fa e kasete i loto he puha).