Liu Fakamanatu he Aoga Fekafekau Fakateokarasi
Liu fakamanatu e tau tohi kua fita he taute he tau kotofaaga he Aoga Fekafekau Fakateokarasi he fahi tapu ha Ianuari 5 ke he Aperila 20, 1998. Fakaaoga e laupepa kehe ke tohi e tau tali he tau huhu loga kua maeke ia koe ke tohi hifo he magaaho kua fakaata.
[Mailoga: Ke he liu fakamanatu, ko e Tohi Tapu ni kua maeke ke fakaaoga. Ko e tau fakamoliaga talitua mai he tau huhu ko e kumikumi fakatagata hau ni a ia. Ko e tau numera he lau mo e paratafa kua nakai kitia oti ai ke he tau fakamoliaga ke he Kolo Toko.]
Tali e tau talahauaga takitaha i lalo Moli po ke Nakai Moli:
1. Ia Gahua 15:29, ko e talahauaga “Kia monuina a mutolu” ko e maveheaga kua lauia ai, ‘ka fakamamao a mutolu mo e tau toto mo e feuaki, to monuina a mutolu.’ [Totouaga he Tohi Tapu fakafahi tapu; kikite w91 6/15 lau. 9 para. 7 matahui tala]
2. Ko e manamanatu fakahokulo ke he tau mena fakaagaga he tau Kerisiano Korinito ne omoi a Paulo ke tohi e tohi fakamua hana ki a lautolu he hana a fenoga misionare ke lagaua aki. [si lau 210 para. 3]
3. Pete ni e fakakite e Iehosafata a ia ko e patuiki ne falanaki ki a Iehova, ne fakatu nakai pulotu e ia e matutakiaga he fakamauaga mo Ahapo. [it-1 lau 1271 para. 11; lau 1272 para. 1]
4. Ko e kupu “simony,” ne moua mai he mena ne tupu ia Gahua 8:9-24, kua hagaao ke he gahua he tau lagatau he taulaatua. [Totouaga he Tohi Tapu fakafahi tapu; kikite w90-E 6/1 lau 17 para. 8.]
5. Ia Roma 8:6, 7, kua hagaao e “tino” ke he tuaga agahala ha tautolu ko e tau tagata nakai mitaki katoatoa mo e tau hagahaga agahala. [Totouaga he Tohi Tapu fakafahi tapu; kikite w91-E 3/1 lau 21 para. 4.]
6. He lautatai mo e Efeso 5:33, ko e hoana kua hokulo e fakalilifu ke he hana tane kua nakai pehe e mena nei kua nakai maeke e hoana ke talahau hana tau manatu, mua atu ka fai mena kua tupetupe a ia ki ai. [kl lau 144 para. 12-13]
7. Ko Ieteru, ko e ekepoa i Mitiana, ne talahau ki a Mose e fakatokaaga he foaki e pule. [it-2 lau 73 para. 2]
8. Tuga ni he finagalo e Atua ke ta mai e Tau Tagata Motu Kehe ke he fakapotopotoaga kua nakai maama ato kitia he tau aposetolo e mena ne tupu moli he fakamoli ai e perofetaaga, ne fakakite he Tau Fakamoli a Iehova e maamaaga ha lautolu ke he tau hikihikiaga he falu matakupu ha kua foaki fakahaga he Atua e maamaaga. [jv lau 629 para. 4-5]
9. Ko e kupu “taha fale mo e taha fale” he Gahua 20:20, kua hagaao fakatonu ke he tau leveki ne ahi atu ke he tau kaina he tau matakainaga talitonu ha kua fakakite mai he kupu kua vagahau a Paulo ke he tau patu he fakapotopotoaga. [Totouaga he Tohi Tapu fakafahi tapu; kikite w91-E 1/15 lau 11 para. 5.]
10. Ka fakamahani e tautolu e tau loto ha tautolu ke loto fakaaue ke he tau mena fakaagaga, liogi ke he agaga he Atua ke logomatai a tautolu ke he mena nei, to fehola kehe a tautolu mai he “loto ke he tau mena he tino.” (Roma 8:6, 7) [Totouaga he Tohi Tapu fakafahi tapu; kikite w91-E 3/1 lau 21 para. 5.]
Tali e tau huhu i lalo:
11. Ko e heigoa e talahauaga he tohi a Gahua kua fakakite ko e iloa noa ni e Kupu he Atua mo e totou holo ai kua nakai lahi ke moua e iloilo moli kua fakatoka atu ke he puhala he moui? [Totouaga he Tohi Tapu fakafahi tapu; kikite w91-E 9/1 lau 19 para. 16.]
12. Ko e heigoa kua fakakite mai he mena moli ne tohi e Paulo: “Ka ko lautolu ha ha i ai e pule ainei, kua kotofa he Atua a lautolu”? (Roma 13:1) [kl lau 131 para. 7]
13. He Gahua 11:26, ko e ha kua fakaaoga he New World Translation e talahauaga “mai he leveki faka-Atua ne ui ai e tau Kerisiano,” ka e nakai tohi ai he falu Tohi Tapu e manatu ia he “leveki faka-Atua”? [Totouaga he Tohi Tapu fakafahi tapu; kikite w90-E 6/1 lau 19 para. 19.]
14. Ko e heigoa e mauokafua he Tau Fakamoli a Iehova kua omoi a lautolu ke eke mo tau tagata fakailoa fakamakai mo e tau tagata tufatufa he Tohi Tapu? [jv lau 603 para. 3]
15. Ko e faga fakaako fakatagata fefe ne fakamalolo he Gahua 17:11? [si lau 205 para. 38]
16. He hana tohi ke he tau Kerisiano i Roma, ko e heigoa kua fakatu mauoka e Paulo ke he tau Iutaia mo lautolu ne nakai ko e tau Iutaia? [si lau 206 para. 2]
17. Hagaao ke he Roma 12:2, lahi atu ki fe e tau aga fakatagata he tau Kerisiano ne kua hiki he malolo he Kupu he Atua? [Totouaga he Tohi Tapu fakafahi tapu; kikite w90 4/1 lau 16 para. 3.]
18. Ko e heigoa e “mena galo” ne fakakite mai e Paulo he Roma 11:25? [Totouaga he Tohi Tapu fakafahi tapu; kikite w83 8/15 lau 16 para. 16.]
19. Ko e ha kua tonutika ai e fakapotopotoaga Kerisiano he tuku ki tua e tau tagata taute mahani kelea ne nakai tokihala? (1 Kori. 5:11, 13) [Totouaga he Tohi Tapu fakafahi tapu; kikite g96 9/8 lau 27 para. 2-3.]
20. Fakaputu fefe e tau malala kaka ki luga he ulu he fi ka lagomatai ke kautu mai he kelea? (Roma 12:20, 21) [Totouaga he Tohi Tapu fakafahi tapu; kikite g86 1/22 lau 6 para. 5.]
Tohi e (tau) kupu po ke talahauaga ne lata ke fakaoti aki e tau talahauaga takitaha i lalo:
21. Kua fakamaama e Filipo ke he eunuka Aitiope e puhala ne fakamoli e perofetaaga he ․․․․․․․․ ti ko e fakamaamaaga ia, ne ole fakatokolalo a ia nei ma e ․․․․․․․․. (Gahua 8:28-35) [si lau 204 para. 33]
22. Ha kua taufetoko ai ke he ․․․․․․․․ ne lagaki hake e ․․․․․․․․ hana a manatu he talahau: “Kua fakalataha foki mo e mena nai e tau kupu he tau perofeta, tuga ne tohi mai.” (Gahua 15:15-18) [Totouaga he Tohi Tapu fakafahi tapu; kikite si lau 204 para. 33.]
23. Ko e maveheaga a Isaia ko e “Vaka akau ko Iese” ka tu ai mo “fakamailoga ke he tau motu” mo e to “kumi kia ia” e tau motu ne kua fakamoli ai ia ․․․․․․․․. (Isaia 11:10) [it-2 lau 51 para. 13]
24. Hagaao ke he fakatataaga a Paulo he akau olive fakatai he Roma veveheaga 11, ne kua tupu mai e magafaoa 12 ha Isaraela ia Aperahamo mai ia Isaako, ti ko e tau magafaoa 12 fakatai he ․․․․․․․․ kua tupu mai ia ․․․․․․․․ ia ․․․․․․․․. [Totouaga he Tohi Tapu fakafahi tapu; kikite w83 8/15 lau 16 para. 15.]
25. Ia Iulai 1917, he mole e mate a Russell, ne fakatoka mai he Watch Tower Society e tohi ․․․․․․․․, ko e talahauaga he ․․․․․․․․ mo ․․․․․․․․ ti pihia mo e ․․․․․․․․. [jv lau 647 para. 2]
Fifili e tali hako he tau talahauaga takitaha i lalo:
26. Mo e lauga hana ia Gahua veveheaga 17, kua fakatu fakalotomatala e Paulo e (pule katoatoa; tututonu; fakaalofa) he Atua moui. [Totouaga he Tohi Tapu fakafahi tapu; kikite si lau 204 para. 37.]
27. Ne nava mafanatia e (Paulo; Peteru; Luka) e tau tagata (Perea; Maketonia; Ierusalema), he ui a lautolu “kua mua e mahani mitaki.” (Gahua 17:11) [Totouaga he Tohi Tapu fakafahi tapu; kikite w95 5/1 lau 25 para. 3.]
28. Ko e pikopiko, po ke fakavai, ne talahau he Roma 1:25 kua fakamoli aki e (tapuaki tupua; taute mahani kiva he mahani fakatane mo e fifine; mahani pikopiko). [Totouaga he Tohi Tapu fakafahi tapu; kikite it-2 lau 245 para. 2.]
29. He 1878, ne hoko a C. T. Russell mo e tau kapitiga hana ke he kamatamata lahi he tua mo e fakamoli ha lautolu ke he Kupu he Atua. Ko e matakupu e (kitiaaga he “fekafekau fakamoli mo e loto matala”; ha ha hinei nakai kitia mata a Iesu; ko e poa uho he tino mo e toto a Iesu). [jv lau 619 para. 3]
30. Ne tohi e Paulo e tohi fakamua hana ke he tau Korinito i (Roma; Efeso; Korinito) kavi he tau (52; 55; 56) V.N. [si lau 210 para. 3]
Tuku e tau kupu tohi i lalo ke he tau talahauaga ne tohi i kelekele:
Sala. 73:28; Fakatai 24:3; Isaia 65:13; Gahua 10:34, 35; 2 Kori. 12:7-9
31. Ha ko e tau fakafekau ha Iehova, kua lata ia tautolu ke onoono ke he tau tagata he tau matakau kehekehe tuga he taute e ia. [Totouaga he Tohi Tapu fakafahi tapu; kikite w88 5/15 lau 16 para. 6.]
32. Kua taute he Tohi Tapu e tau matapatu fakaakoaga kua tuga e tau kanavaakau ne maeke ia koe ke ati hake e fiafia magafaoa. [kl lau 140 para. 3]
33. Ko lautolu kua fakatata atu ki a Iehova kua olioli e fiafia moli mo e mafola he manamanatuaga. [kl lau 150 para. 3]
34. Tali mai he fakamauaga tuai, kua foaki e Iehova e tau mena kai fakaagaga ke he hana tau tagata ko e matakau. [kl lau 162 para. 6]
35. Kua liga fakaata e Iehova e tuaga hagahaga kelea ke fakatumau fakaku, ka e tali e ia e tau liogi mo e iloa e ia e magaaho kua lata tonu ke taute ai pihia. [kl lau 156 para. 15]