Tau Fakailoaaga

◼ Tau tohi foaki ma Mati: Iloilo ne Takitaki Atu ke he Moui Tukulagi. Kia lali fakalahi ke kamata e tau fakaakoaga Tohi Tapu he kaina. Aperila mo Me: Tau mekasini Ko e Kolo Toko mo e Awake! Ka liliu ahi atu ti kua talia, kia foaki e tau ota fakahu. Foaki e tohi Iloilo po ke porosua Manako, mo e kolo ke kamata e tau fakaakoaga Tohi Tapu he kaina. Iuni: Ko e Heigoa e Manako he Atua ma Tautolu? po ke Iloilo ne Takitaki Atu ke he Moui Tukulagi. Lali fakalahi ke kamata e tau fakaakoaga Tohi Tapu i kaina.

◼ Kua lata e tau tagata fakamatala ne kolo ke paionia fakaku ia Aperila ke taute e tau pulega ha lautolu ke tuku tuai e tau laupepa ole ha lautolu. Ko e puhala anei ke lagomatai e tau motua ke fakatokatoka tuai e tau fakatokaaga hagaao ke he fekafekauaga mo e kikite tuai kua loga e tau mekasini mo e falu tohi ke fakaaoga. Ko e tau higoa ha lautolu kua talia ke paionia fakaku kua lata ke fakailoa ke he fakapotopotoaga.

◼ To fakahoko e Fakamanatuaga he Aho Tapu, Aperila 8, 2001. Nakai fai feleveiaaga ka fakahoko he aho ia ka e kia fakapotopoto ke o atu he fonua. Kia fakatoka he tau motua e fakaakoaga he Kolo Toko ke he taha magaaho kehe.

◼ Ko lautolu ne fakalataha ke he fakapotopotoaga kua lata ke fakafano oti e tau ota mekasini fakahu fou mo e ka liu fakafou e Kolo Toko mo e Awake!, pihia mo e tau ota mekasini fakahu fakatagata ha lautolu, puhala he fakapotopotoaga.

◼ Nakai fakapuke he Sosaiete e tau ole tohi he tau tagata fakamatala takitaha. Kua lata e leveki he fakapotopotoaga ke taute e fakailoaaga ke he fakapotopotoaga he tau mahina takitaha ato fakahu e ole tohi ke he Sosaiete, ke maeke ia lautolu ne manako ke moua mai e ota tohi ha lautolu he matakainaga ne leveki e tau tohi. Fakamolemole kia mauloto ko e ha ha i ai e falu tohi ne fa ole pauaki.

◼ Kua ha ha ai e tau afi tohi matafakatufono ke lagomatai e tau tagata fakamatala ne kua o hopo ha ko e levekiaga he tama mo e ha kua totoko mai ke he lotu ha tautolu. Kia ole he kau he tau motua e afi tohi ia kaeke kua putoia moli ai e taofiaga fakalotu he tagata fakailoa. Kia lautolu ne fehagaaki mo e tau mena fakalalolagi ke he levekiaga he tama po kua totoko e ahiahiaga, haia e tau fakailoaaga ke lagomatai mai i loto he Awake! ia Tesemo 8, 1997, lau 3-​12; he Awake! ia Oketopa 22, 1988, lau 2-​14; mo e he puha ne moua he Awake! ia Aperila 22, 1991, lau 9.

◼ Tau Tohi Fou kua Moua:

Bible Topics for Discussion​—Amharic

Iesu Keriso​—Ko Hai A Ia? (Tuleke Nu. 24)​—Estonian

Iloilo Ne Takitaki Atu ke he Moui Tukulagi​—Chinese Fakamukamuka (Pinyin)

Ko e Moui he Lalolagi Foou Mafola (Tuleke Nu. 15)​—Zande

New World Translation of the Christian Greek Scriptures​—Albanian, Hungarian

New World Translation of the Holy Scriptures​—Sesotho, Tswana

New World Translation of the Holy Scriptures​—With References​—Czech

Pay Attention to Daniel’s Prophecy!​—Tigrinya

Tau Agaga he Tau Mena Mamate​—Lagomatai Nakai e Lautolu a Koe po ke Fakamamahi a Koe? Gahuahua Moli Nakai a Lautolu?​—Luganda, Zande

Ko e Fakatufono ka Tamai e Parataiso​—Kirundi

The Guidance of God​—Our Way to Paradise​—Albanian, Tamil

Ko e Heigoa e Manako he Atua ma Tautolu?​—Chinese Fakamukamuka (Pinyin)

Maeke A Koe Mo Kapitiga He Atua!​—Chichewa, Indonesian, Shona, Tumbuka

◼ Tau Autiokasete Fou kua Moua:

Appreciating Our Spiritual Heritage (Tau taute tala, taha e kasete)​—Japanese

Keep Your Eye Simple (Tau taute tala, taha e kasete)​—Gujarati, Hindi