Ko e Hokotaki kua Mitaki!

Ko e moli he fakamonuinaaga ha Iehova kua kitia ai ke he malikiti he fonua ha Niu Silani.

He magahala he tau he fekafekauaga he 2002, ne olioli he la matapatu ha Niu Silani 1 e pasene ne malikiti he tau tagata fakailoa. Fakalaulahi atu ai, ko e tau hokotaki he fekafekau ia Sepetema ki a Tesemo ne kitia kua kamata mitaki e tau he fekafekauaga he 2003.​—Fakatai 15:30.

Ia Oketopa mo Novema ko e katoatoa he tau tagata fakailoa ne malikiti fakamua ai ke he 1 e pasene, ne 12,496 e tagata fakailoa ne tuku e tau hokotaki ia Oketopa, mo e liu foki 2 e pasene ia Novema, ne 12,784 e tagata fakailoa ne tuku e tau hokotaki. He tali ke he fakamafanaaga ke tuku e tau hokotaki he tau magahala okioki, ne fiafia lahi a mautolu he kitia e 2.7 e pasene ne malikiti ai e hokotaki ia Tesemo 2002 mai he mahina taha ia he tau 2001.

Ha kua pihia, kua ha ha ai e amaamanakiaga mitaki ke tumau e malikiti!

Ia Sepetema, ne 5,576 e fakaakoaga Tohi Tapu, ko e 3.7 e pasene ne malikiti mai he mahina taha ia he tau kua mole. Ko e malikiti tupu olaola nei he tau fakaakoaga Tohi Tapu ne matutaki ki a Oketopa mo Novema ne 5,707 mo e 5,868 ne tuku e tau hokotaki.

Kua maali ai kua tokologa agaia e tau tagata he ha tautolu a fonua ne kotofa ki ai ne manako ke ako e tau kupu moli he Tohi Tapu. Ko e mena ia kua fakamafana e mautolu a mutolu ke matutaki ke fakamalolo ke fakaaoga e Tohi Tapu ke he ha mutolu a fekafekauaga, fakalataha mo e foaki e tau fakaakoaga Tohi Tapu he kaina he tau magaaho oti.