Liu Fakamanatu he Aoga Fekafekau Fakateokarasi
Ko e tau huhu i lalo ka fakatutala he Aoga Fekafekau Fakateokarasi he fahi tapu ka kamata ia Oketopa 27, 2003. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau fahi tapu ia Sepetema 1 ki a Oketopa 27, 2003. [Mailoga: Ka nakai fai fakamoliaga talitua e matahiku he huhu, kua lata ke taute ni e koe e kumikumi fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Ko e heigoa e kakano he fakatonuaga ia 1 Timoteo 2:9 ke taute he tagata a ia ke he “tapulu kua gali,” mo e liga lauia fefe e mena nei ke he tau lauga ha tautolu mai i mua po ke fekafekauaga he fonua? [be lau 132 para. 4-5]
2. Puhala fe kua lata e tau matapatu fakaakoaga he Tohi Tapu ia 1 Ioane 2:15-17, Efeso 2:2, mo e Roma 15:3 ke lauia e tauteuteaga fakatagata ha tautolu? [be lau 133 para. 2-4]
3. Ko e ha ne aoga ai e fakatotoka, mo e moua fefe e tautolu e fakatotoka ka vagahau mai i mua po ke fakalataha ke he fekafekauaga? [be lau 135 puha; lau 136 para. 5, puha]
4. Ha ko e “talahau kua fakamoli mo e moli,” fakatoka fefe e Iesu e fakafifitakiaga ma tautolu he fakaaoga e Tohi Tapu he fekafekauaga? (Fakakite. 3:14) [be lau 143 para. 2-3]
5. Maeke fefe ia tautolu ke iloilo he fakaaoga e Tohi Tapu? (Tito 1:9) [be lau 144 para. 1, puha]
KOTOFAAGA NU. 1
6. Ko e heigoa ne putoia ke he fakaako, mo e ko e heigoa e tau fua mitaki he fakaako tumau e Kupu he Atua? [be lau 27 para. 3; lau 32 para. 4]
7. Ke fakalautatai mo e Iakopo 1:5, 6, ko e heigoa kua aoga ka fehagai a tautolu mo e taha fifiliaga uho? [w01-E 9/1 lau 28 para. 4]
8. Ko e heigoa e tau aho aoga lahi, mo e ko e ha ne fai kakano uho ai? [si lau 282 para. 27]
9. Ke he puhala fe ne goagoa ai a “ia kua eke e tala kelea”? (Fakatai 10:18) [w01-E 9/15 lau 25 para. 3]
10. To maeke fefe e tau tagata ke loto fakaaue katoatoa ke he onoonoaga ha Iehova ke he magaaho he mogo ka hoko ke he lalolagi fou? [si lau 283 para. 32]
TOTOUAGA HE TOHI TAPU FAKAFAHI TAPU
11. Moli po ke Nakai Moli: Ia 1 Korinito 2:9, ne hagaao e aposetolo ko Paulo ke he tau mena kua tauteute e Iehova ma e hana tau tagata tua fakamoli ko e fakamonuinaaga. Fakamaama. [ip-2 lau 366, puha]
12. Ko e heigoa e tau kamatamata ne hagaao e tau kupu ne fakamau ia 1 Korinito 10:13, mo e taute fefe e Iehova e “mena ke hao ai”? [w91 10/1 lau 22-23 para. 11-14]
13. Lauia fefe e tau Kerisiano he fakafifitakiaga ha Iesu he mahani fakamokoi? (2 Kori. 8:9) [w92 2/1 lau 16 para. 10]
14. Puhala fe kua eke e Fakatufono mo “leveki tama ha tautolu, ke takitaki a tautolu kia Keriso”? (Kala. 3:24) [w02 6/1 lau 23 para. 11]
15. Ko e heigoa e tau mena he “tau kupu fakamua he lalolagi” ne kua lata ia tautolu ke puipui mai i ai neke fakahehe? (Kolo. 2:8)