Tau Fakailoaaga
◼ Tohi foaki ma Ianuari: Tau Fakamoli a Iehova—Ne Kaufakalataha ke Taute e Finagalo he Atua ke he Lalolagi Katoa. Fepuari: Fakatata Atu ki a Iehova. Mati: Iloilo ne Takitaki Atu ke he Moui Tukulagi. To taute e laliaga pauaki ke kamata e tau fakaakoaga Tohi Tapu he kaina. Aperila: Fakakite e tau lagaki takitaha he Ko e Kolo Toko mo e Awake! Ka taute e tau liu ahi atu ke he tau tagata ne fiafia, putoia a lautolu ne o mai ke he Fakamanatuaga po ke falu fakaholoaga fakateokarasi ka e nakaila malolo e lafiaga ke he fakatokatokaaga. Lali fakalahi ke foaki e tohi Worship God. Taute e tau laliaga oti ke kamata e fakaakoaga Tohi Tapu he kaina, mua atu kaeke fai tagata kua fita e fakaako ke he tohi Iloilo mo e porosua Manako.
◼ Kamata ia Fepuari, mo e ke hoko ki a Mati 7, ko e lauga fou ke he toloaga tagata ma e tau leveki takaiaga ko e “Ha Hai e Tau Puhala Uho kua Tokiofa e Koe.”
◼ Kua lata e tau fakapotopotoaga ke taute e tau fakatokaaga kua latatonu ke fakahoko ai e Fakamanatuaga he tau nei he Aho Tapu, Aperila 4, ka mole e toaga la. Pete ni ka kamata tuai e lauga, ko e uta viko he tau mena fakatai kua nakai lata ke kamata ato mole e toaga la. Fakatonu ke he tau fakailoaaga he matakavi ke iloa tonu ko e magaaho fe e toaga la he matakavi ha mutolu. Ha kua nakai fai feleveiaaga ka ko e feleveia ni ma e fekafekauaga he fonua ka taute he aho ia, kua lata ke taute e tau hikiaga ma e Fakaakoaga Kolo Toko ke taute he taha magaaho. Kua lata e tau leveki takaiaga ke hikihiki ha lautolu a setulu feleveiaaga ma e fahi tapu ia ke felauaki mo e tau tutuaga he matakavi. Pete kua manako ke igatia ni e fakapotopotoaga mo e taute ha lautolu a Fakamanatuaga, to nakai maeke ke taute pihia tumau. Ko e tau fakapotopotoaga ne fakaaoga auloa e Fale he Kautu, liga taha po ke loga e fakapotopotoaga ka kumi ke fakaaoga falu fale kehe he afiafi ia. Ka maeke, kua pulega atu a mautolu ke fakaata kavi ke he 40 e minuti he vahaloto he tau fakaholoaga ke maeke he tau tagata oti ke aoga katoatoa mai he fakalatahaaga ia. Kia manamanatu ke he holoaga mo e paakaaga he tau peleoafi, pihia foki he tamai po ke uta he tau pasese. Ko e kau he tau motua kua lata ke fifili e tau fakatokaaga kua latatonu ma e matakavi.
◼ Ma lautolu ne manako ke taute e tau foakiaga mena fakaalofa ke he gahua he Kautu ke he puhala fakaeleketoniki, ha ha ai e tau fakamaamaaga kua tauteute ke lata mo e fakaholoaga nei. Ma e falu vala tala fakamolemole tohi ke he Watch Tower, P O Box 75-142 Manurewa.