Liu Fakamanatu he Aoga Fekafekau Fakateokarasi
Ko e tau huhu i lalo ka fakatutala he Aoga Fekafekau Fakateokarasi he fahi tapu ka kamata ia Aperila 26, 2004. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau fahi tapu ia Mati 1 ki a Aperila 26, 2004. [Mailoga: Ka nakai fai fakamoliaga talitua e matahiku he huhu, kua lata ke taute ni e koe e kumikumi fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Ka lauga a tautolu, ko e ha kua mitaki ke lauga mai he fakatokaaga lauga ka e nakai totou mai he fakamauaga ne tohi katoa? [be lau 166 para. 3]
2. He tauteute ma e fekafekauaga he fonua, puhala fe kua maeke ia tautolu ke fakatokatoka e tau manatu ha tautolu ke he loto? [be lau 167 para. 3]
3. He fakaaoga he Gahua 13:16-41 mo e Gahua 17:2, 3, fakamaama e puhala ha Paulo ne ‘fakakite fakatonu atu ko Iesu ko e Keriso.’ (Gahua 9:22) [be lau 170 para. 2]
4. Ko e heigoa e falu mena mitaki he talahau e lauga ka e nakai tohi e tau kupu oti ke talahau? [be lau 175 para. 1-4]
5. Liga ko e heigoa e tau matahele he tutala noa nakai tohi e tau kupu oti ke talahau, mo e ko e heigoa ka lagomatai a tautolu ke kalo mai he tau mena ia? [be lau 175 para. 5–lau 176 para. 3]
KOTOFAAGA NU. 1
6. Hagaao ke he fakamauaga ia Kenese 32:24-32, ko e heigoa ha Iakopo ne kua 97 e tau tau he moui ne taute ke moua e fakamonuinaaga ha Iehova, mo e ko e heigoa ne fakaako mai he mena nei ki a tautolu? [w02-E 8/1 lau 29-31]
7. Ko e heigoa e “loto manamanatu,” mo e ko e puhala fe ke puipui a tautolu mai he nakai lagotatai mo e he fakamamahi teao? (Fakatai 1:4) [w02-E 8/15 lau 21-2]
8. Puhala fe ne maeke e tau tagata lauga ke taute e tau Tohiaga Tapu mo fakaveaga he tau lauga ha lautolu? [be lau 52 para. 6–lau 53 para. 5]
9. He fuluhi e fakatokaaga lauga kua tohi ke he fakamaamaaga hokulo he Tohiaga Tapu, ko e heigoa e tau fifiliaga kua lata ke taute he tagata lauga? [be lau 54 para. 2-4]
10. Ko e ha ne fagai e Iehova e tau Isaraela aki e manai ke he taha fahi tapu mo e taha fahi tapu, taha mahina mo e taha mahina, ke he tutakale, mo e ko e heigoa kua maeke ia tautolu ke ako mai he mena nei? (Teu. 8:16) [w02-E 9/1 lau 30 para. 3-4]
TOTOUAGA HE TOHI TAPU FAKAFAHITAPU
11. Tuga ne fakaata he Kenese 37:12-17, ko e heigoa e fetataiaki ne mailoga e tautolu ke he vahaloto he puhala ha Iosefa mo Iesu? [w87-E 5/1 lau 12 para. 12]
12. Ke tuga ne kitia ke he tala he Kenese 42:25-35, fakakite fefe e Iosefa e fakaalofa hofihofi noa ne tatai mo e fakaalofa hofihofi noa ne fakakite e Iesu? [w87-E 5/1 lau 18 para. 10; lau 19 para. 17]
13. Puhala fe he tau foakiaga ne taute he vahega fekafekau he vaha nei ne kua tatai mo e tufatufa he tau saito he vaha ha Iosefa? (Kene. 47:21-25)
14. He talahau, “To fakamoli au ke he mena ia ti to fakamoli ni au ki ai,” ko e heigoa ne fakakite mai e Iehova hagaao ke he higoa hana? (Esoto 3:14, 15, NW)
15. Ko e heigoa e tau hagahaga kelea pauaki he gugu ne tohi he Esoto 16:2, 3? [w93-E 3/15 lau 20-1]